ئیرۆ بۆمبێن هێسر رێژ 2 خوه‌پێشانده‌رێن دن كوشتن

ئیرۆ بۆمبێن هێسر رێژ 2 خوه‌پێشانده‌رێن دن كوشتن

هێزێن ئه‌وله‌كاریا ئیراقێ ئیرۆ جاره‌كه‌ دن بۆمبێن هێسر رێژ ل دژی خوه‌پێشانده‌رێن به‌خدایێ بكارئانی، 2 كه‌س كوشتن و 32 بریندار كرنه‌.

خوه‌پێشاندانێن ئیراقێ ئیرۆ ده‌رباسی رۆژا خوه‌ ئا 28ان دبه‌، ل به‌خدا ئا پایته‌خت و هه‌ژماره‌كه‌ پارێزگه‌هیێن دن ل باشوور و ناڤینا ولات، گه‌لێ نه‌رازی ده‌ركه‌تنه‌ جاده‌یان و كه‌تنا هكوومه‌تا فه‌ده‌رال داخواز دكن.

ل به‌خدایێ ل قادا ته‌هریر كو بوویه‌ سه‌مبولا خوه‌پێشاندانێن جۆتمه‌هێ، گه‌لێ نه‌رازی سلۆگانێن دژی هكوومه‌تا فه‌ده‌رال بلند كرنه‌، هێزێن ئه‌وله‌كاریێ دخوازن وان به‌لاڤه‌بكن و ب سه‌ده‌ما شه‌ر و په‌ڤچوونان، 2 خوه‌پێشانده‌ر هاتنه‌ كوشتن و هه‌ر وها هه‌ری كێم 32 بریندار كه‌تنه‌.

چاڤكانیێن ساخله‌میێ ئه‌شكه‌ره‌كرن، كه‌سێن كو ئیرۆ د خوه‌پێشاندانێ ده‌ هاتنه‌ كوشتن، ب گولە تۆپێن هێسر رێژ هاتنه‌ هه‌ده‌ف كرن و جانێ خوه‌ ووندا كرنه‌.

خوه‌پێشاندانێن ئیراقێ ل 25 جۆتمه‌ها ئیسالی ل دژی فه‌سادێ، هه‌ژاری و بێكاریێ ده‌ست پێ كرن، لێ به‌لێ هه‌ر د زوو ده‌ شه‌ر و په‌ڤچوون كه‌تن تێده‌ و گه‌لێ نه‌رازی هینا نها كه‌تنا هكوومه‌تێ داخواز دكن.

پوستێن ھەمان بەش