ئارته‌شا ره‌ژیما سووریێ و پۆلیسێن له‌شكری ئێن رووسیا فه‌ده‌رال ئیرۆ ده‌وره‌یه‌كه دن ئا هه‌ڤپار ل باژارۆكێ تل ته‌مرێ پێكانی.
ئیرۆ رۆژا پێنجشه‌می 21/11/2019ان هه‌ره‌كه‌تێن ئارته‌شا ره‌ژیما سووریێ و پۆلیسێن له‌شكری ئێن رووسیا فه‌ده‌رال، ده‌وریه‌كه دن ئا هه‌ڤپار ل گونده‌وارێ باژارۆكێ تل ته‌مرێ ئێ گرێدای پارێزگه‌هیا حه‌سه‌كێ پێكانی.
ده‌وریا هه‌ڤپارا ئیرۆ ئا دویه‌مین بوو تێ كرن و ل سینۆرێ گوندێ جومایا ئه‌ره‌به‌یێن له‌شكری ئێن سووریێ و رووسیایێ هه‌ره‌كه‌تێن خوه مه‌شاندن.
ل 13 جۆتمه‌ها ئیسالێ، هێزێن سووریایا ده‌مۆكراتیك هه‌سه‌ده ب ناڤگینیا رووسیایێ، ل هه‌ڤهاتن دگه‌ل ره‌ژیما سووریێ كر و ل گۆری لهه‌ڤهاتنێ، ئارته‌شا سووریێ ل رۆژهلاتا فراتێ ل شوونا هێزێن هه‌سه‌دێ جی گرتن.
هه‌یا نها ئارته‌شا سووریێ و پۆلیسێن له‌شكری ئێن رووسیایێ 2 ده‌وریێن هه‌ڤپار ل سینۆرێ تل ته‌مرێ پێكانینه، ئا یه‌كه‌مین ل سه‌ر رێیا ب ناڤێ M4ێ بوو.
