ترکیێ پێگەهەکە لەشکرێ سووریێ ل نێزی تل تەمر تۆپباران دکە و گەل ل گرێ سپی پێگەهەکە گرۆپێن چەکدار ئێن ئۆپۆزسیۆنا سووریێ دشەوتینن.
سازیا سووریا ژ بۆ مافێن مرۆڤان راگهاند، بالەفرێن بێ پیلۆت ئێن سەر ب لەشکرێ ترکیێ پێگەهەکە لەشکرێ سووریێ ل گۆندێ تل تەویل لسەر رێیا تل تەمر-مناجیر هەدەف کر و تێدە ٢ لەشکرێن سووریێ بریندار بوون.
د بەردەوامیا راگهاندنا خوە دە ڤێ سازیێ ئەشکەرە کریە کو فەرمان ل لەشکرێ سووریێ هاتیە کرن کو ب ت ئاوا نەچە ناڤا شەرێ دناڤبەرا “هەسەدێ” و لەشکرێ ترکیێ دە، ب ئاوایەک وەها کو نابە خوە یەک گولە ژی ل همبەر لەشکرێ ترکیێ بتەقینە.
ژ ئالیێ خوە ڤە ئاژانسا سانای ئا سەر ب هکوومەتا سووریێ ڤە راگهاند، یەکینەیێن لەشکرێ سووریا دەرباسی خالەکە نوو بوونە ل گوندێ عالیا ئێکو دکەڤە رۆژئاڤایا تل تەمرێ ژ بۆ بەردەوام کرنا پەیوەندیا دناڤبەرا هێزێن وێ ئێن ل هەسەکێ و رەقایێ.
سازیا سووریا ژ بۆ مافێن مرۆڤ دیسان راگهاند کو ل گۆرەی زانیاریێن بەر دەست هاتیە ئیسبات کرن کو چەکدارێن سەر ب ئۆپۆزۆسیۆنا سووریێ بازرگانیێ ب جەسەدێ کوشتیان دکن.
