سوپایێ پاسداران داخواز ژ رژێما ئیسلامی یا ئیرانێ كر، رێكخه‌رێن خوه‌نیشانده‌ران ب ئاوایه‌كێ هه‌ری دژوار سزا بده‌ت.
ئه‌میرال عه‌لی فه‌داوی، ئه‌ندامێ كونسه‌یا فه‌رماندارێتیا سوپایێ پاسداران یێ كۆمارا ئیسلامی یا ئیرانێ دبێژه: «وان هه‌موو رێكخه‌رێن خوه‌نیشانده‌ران ده‌ست ب سه‌ر كرنه و دێ ب ئاوایه‌كی هه‌ری دژوار بهێن سزادان».
هه‌موه‌خت گۆت: «رێكخه‌رێن خوه‌نیشانده‌ران كارنامه‌یا هنه‌ك به‌رپرسیارێن ئه‌مه‌ریكایێ و ئیرانیێن كو ل ده‌رڤه دژین بجهـ ئینانه و ل سه‌ر ڤێ تاوانێ ئه‌و دێ بگه‌هن سزایێ خوه».
فه‌رماندارێ سوپایێ پاسداران ده‌ست نیشان كر كو ده‌ستهلاتا دادوه‌ری یا ئیرانێ، دێ سزایێ ژ هه‌موو سزایان دژوارتر ب سه‌ر وان ده سه‌پینیت، وه‌ك ئاماژه بۆ سزایێ سێداره‌دانێ.
ل گۆر داتایێن فه‌رمی یێن حكومه‌تا ئیرانێ، پتری 100 رێكخه‌ر و چالاكڤانێن خونیشاندانان هاتنه ده‌سته‌سه‌ر كرن، هه‌موه‌خت پتر ژ 1000 خوه‌نیشانده‌ران بنچاڤ كرینه.
خوه‌نیشاندانێن ئیرانێ ل 15 نۆڤێمبه‌را ئیسال 2019ێ ده‌ستپێكربوون، پشتی كو حكومه‌تێ بهایێ پانزینێ ب رێژه‌یا 50% بلندكری و هه‌ر د زوو ده ل 100 باژێر و باژێركێن ئیرانێ و رۆژهلاتا كوردستانێ به‌لاڤه‌بوون.
