حكوومه‌تا نوو دێ ته‌مه‌نێ وێ 6 مه‌هـ بن

حكوومه‌تا نوو دێ ته‌مه‌نێ وێ 6 مه‌هـ بن

سه‌رۆك وه‌زیرێ ده‌ست ژ كار به‌ردایی، ئادل ئه‌بدولمه‌هدی راگهاند، هكوومه‌تا نها یا ئیراقێ كاربرێكه‌ره‌ و هه‌ڤپه‌یمانێتیا نه‌سر ئا ب سه‌رۆكتیا هه‌یده‌ر ئه‌بادی ژی دبێژه‌: «هكوومه‌تا نوو ته‌مه‌نا وێ دێ ته‌نێ 6 مه‌هـ بن».

ئادل ئه‌بدولمه‌هدی سه‌رۆك وه‌زیرێ ده‌ست ژ كار به‌ردایی یێ ئیراقێ ئیرۆ رۆژا چارشه‌می 4/12/2019ان د جڤینا جڤاتا وه‌زیران ده‌ گۆت: «هكوومه‌تا ئیراقێ نها بوویه‌ كاربرێكه‌ر و ژ ئالیێن سیاسی خوه‌ست بله‌ز كه‌سه‌كێ دن ژ بۆ پۆستا سه‌رۆك وه‌زیری ده‌ست نیشان بكن».

هه‌ر وها ئاماژه‌ كر، وی ژ بۆ پاراستنا ره‌وشێ كو زێده‌تر ئالۆز نه‌به‌ ده‌ست ژ كار به‌ردا، پشتی كو راوێژا خوه‌ ل گه‌ل دادگه‌ها فه‌ده‌رال كری.

ژ ئالییه‌كه‌ دن ڤه‌، هه‌ڤپه‌یمانێتیا نه‌سر ئه‌وا هه‌یده‌ر ئه‌بادی سه‌رۆكتیا وێ دكه‌ ئیرۆ د به‌یانه‌كه‌ نڤیسكی ده‌ ئه‌شكه‌ره‌ كر، هكوومه‌تا نوو یا ئیراقێ دێ ته‌مه‌نا وێ ته‌نێ 6 مه‌هـ به‌ و پشتره‌ ئه‌و دێ رێ ژ بۆ هلبژارتنێن به‌روه‌خت بكه‌.