ل ناڤه‌ندا باژارێ سه‌رێ كانیێ ل رۆژهلاتا فراتێ، ئێڤارا ئیرۆ ته‌قین چێبوو و ولاتیه‌ك شه‌هید كه‌ت.
ئێڤارا ئیرۆ رۆژا پێنجشه‌می 5/12/2019ان ئه‌ره‌به‌یه‌كه مایین كری ل ناڤه‌ندا باژارۆكێ ره‌سولین یێ گرێدای باژارێ سه‌رێ كانیێ ل رۆژهلاتا فراتێ ته‌قیا و ب سه‌ده‌ما وێ كه‌سه‌كه سڤیل جانێ خوه ژ ده‌ستدا و یه‌كێ دن ژی بریندار كه‌ت.
ئارته‌شا داگیركاریا تركیێ یه‌كینه‌یێن پاراستنا گه‌ل یه‌په‌گێ ب وێ ته‌قینێ سووچبار كرنه، لێ هنه‌ك چاڤكانیێن رۆژئاڤا كوردستانێ ئه‌شكه‌ره كرن كو ته‌قینێ جیه‌كێ نێزی باره‌گه‌هێن چه‌ته‌یێن تركیێ یێن سوپایێ ئازاد و جه‌بهه‌ت ئه‌ل نوسره كرنه ئامانج.
ل رۆژێن رابووری ئێریشه‌كه‌ك دن ب ئه‌ره‌به‌یه‌كا مایین كری ل ناڤه‌ندا باژارێ ره‌سولین هاتبوو كرن و د وێ ته‌قینێ ده 3 كه‌سێن سڤیل هاتن هنگافتن، لێ به‌لێ مه‌دیا هه‌سه‌دێ ده‌ست نیشان كربوو كو كه‌سێن كو د ته‌قینێ ده هاتنه كوشتن، دۆڤه‌لانكێن تركیێ بوون.
