ئه‌ردۆگان: ژ سووریێ ده‌رناكه‌ڤین

ئه‌ردۆگان: ژ سووریێ ده‌رناكه‌ڤین

سه‌رۆك كۆمارێ تركیێ ئیرۆ راگهاند، ئارته‌شا سووریێ ل گۆر ل هه‌ڤهاتنه‌كێ چوویه‌ د سووریێ ده‌ و ژ وی ولاتی ده‌رناكه‌ڤه‌.

سه‌رۆك كۆمارێ تركیێ ره‌جه‌ب ته‌یب ئه‌ردۆگان ئیرۆ رۆژا شه‌می 7/12/2019ان د چارچووڤێ جڤینا ئه‌نجوومه‌نا راوێژكاری ئا پارتیا خوه‌ «داد و گه‌شه‌پێدانێ» داخوه‌یانی ل دۆر هه‌بوون و مانا ئارته‌شا تركیێ د ناڤا خاكا سووریێ ده‌ دا و گۆت كو ئه‌و نه‌چوونه‌ وی ولاتی كو جاره‌كه‌ دن ژێ ده‌ربكه‌ڤن.

ئه‌ردۆگان ده‌ست نیشان كر، ئارته‌شا تركیێ ل گۆر لهه‌ڤهاتنا «ئه‌ده‌نه» ‌یێ چوویه‌ د خاكا سووریێ ده‌ و ئه‌و ته‌نێ وێ ب گۆتن و بریارا گه‌لێ سووریێ جاره‌كه‌ دن وی ولاتی بجی بهێله‌.

سه‌رۆكێ تركیێ دبێژه‌: «ته‌ڤ سه‌رۆك و سه‌ركرده‌یێن ولاتان ئه‌وێن ژ مه‌ دپرسن ئایا هوونێ كه‌نگی سووریێ ب جی بهێلن؟ ئه‌م ژ وان ره‌ دبێژن كو ئه‌م ده‌رناكه‌ڤن».