نه‌ته‌وه‌یێن یه‌كبوویی: 424 خوەپێشاندەرێن ئیراقێ ھاتنە کوشتن

نه‌ته‌وه‌یێن یه‌كبوویی: 424 خوەپێشاندەرێن ئیراقێ ھاتنە کوشتن

نەتەوەیێن یەکبوویی راگھاند کو ل ئیراقێ ژ ١ێ جۆتمەھێ د خوەپێشاندانێن به‌رده‌وام دا، 424 کەس ھاتن کوشتن، نێزیکی 9 ھەزار کەسان ژی بریندار بوون.

ل گۆر داخویانیا کۆمیسەریا بلندا مافێن مرۆڤان یا نه‌ته‌وه‌یێن یه‌كبوویی، کۆمیسیۆنا ئالیکاریا ئیراقێ یۆنامیێ، راپۆرا خوە یا 5ێ مژدارێ-8ێ به‌فرانبارێ ئەشکەرە کر و د ناڤبەرا دیرۆکا ناڤبۆری دا 170 کەس ھاتنه‌ کوشتن، 2 ھەزار و 264 کەس ژی بریندار بوون.

ل وەلات ژ ١ێ جۆتمەھێ کو خوەپێشاندانان دەست پێ کربوون ب تەڤاھی 424 کەس ھاتبوون کوشتن، 8 ھەزار و 758 کەس ژی بریندار بوون.

ھەر وھا ھات دەست نیشان کرن، ژ بەر کو ھکوومەت دانە و ئامارێن نەخوەشخانەیانێن کوشتی و برینداران ب یونامیێ را پارڤە ناکە، مومکنە کو ھەژمارا کوشتیان زێدەتر بە.

ل ئیراقێ خوەپێشاندانێن دژی ھکوومەتێ کو ١ێ جۆتمەھێ دەست پێ کربوون، دەوام دکن. پایتەخت بەخدا د سەری دا د خوەپێشاندانێن کو ل باژارێن ل باشوور و ناڤەراستا وەلات دەوام دکن دا ل دژی نفووزا ئیرانێیا ل ئیراقێ ژی بەرتەک تێن نیشاندان.

سەرۆکوەزیرێ ئیراقێ ئادل ئەبدولمەھدی ژ بەر خوەپێشاندانێن دژی ھکوومەتێ مەجبوور مابوو و د 29ێ مژدارێ دا ئیستفا کربوو.

پوستێن ھەمان بەش