گۆره‌كێ ب كۆم هات دیتن 643 روفات تێده‌ نه‌

گۆره‌كێ ب كۆم هات دیتن 643 روفات تێده‌ نه‌

گۆره‌كێ دی یێ ب كۆم ئه‌ڤرۆ ل رۆژئاڤا ئیراقێ هات دیتن و سازیێن فه‌رمی ئه‌شكه‌ره‌ كرینه‌ كو روفاتێن سه‌دان قوربانییان تێدانه‌.

ئه‌ڤرۆ رۆژا ئێكشه‌مبی 15/12/2019ێ گۆره‌كێ ب كۆم ل بیابانا پارێزگه‌ها ئه‌نبار یا رۆژئاڤا ئیراقێ هات دیتن و ل گۆر لێكۆلینێن ده‌ستپێكی، ئه‌شكه‌ره‌ بوویه‌ كو روفاتێن ب سه‌دان قوربانییان تێدانه‌.

ده‌زگه‌ها شه‌هیدان ل ئیراقا فیدرال د ڤێ ده‌ربار دا داخۆیانییه‌ك به‌لاڤ كر و تێدا هاتییه‌: ل گوندێ فەیازێ یێ سەر ب قەزایا فەلۆجە ڤە، د دەما کۆلانا جوه‌كا ئاڤێ دا ژ بۆ زەڤیێن چاندنێ، گۆره‌كێ ب كۆم هات دیتن.

هه‌ر وها دیار كر، دیرۆکا گۆرا ب کۆم ژ بۆ سالا 2016ێ ڤه‌دگه‌ریت و روفاتێن 643 كه‌سان تێدا هاتینه‌ دیتن كو ژ قوربانیێن ده‌ستێ رێخستنا ته‌رۆریستیا داعشێ نه‌.

ده‌زگه‌ها شه‌هیدان ده‌ست نیشان كریه‌، ئه‌وان گومان هه‌یه‌، قوربانیێن د وی گۆری دا ژ هۆزا محامید بن كو ل سالا 2016ێ رێخستنا داعشێ كوشتنه‌، ژ به‌ر كو ل سه‌ر پرانیا روفاتن شوونا گوللـه‌یان ل سه‌ری هه‌بوو و ژ جلكێن وان خوه‌یایه‌ كو زارۆ ژی د ناڤ دا نه‌.