ل سووریێ د ئێریشێن ئاسیمانی و بەژاهیێ یێن رەژیما بەشار ئەسەد یێن ل ھەرێما کێم کرنا ئالۆزیێ یا ل ئدلبێ ده، 10 سڤیل ھاتن کوشتن، ژ 20ان زێدەتر سڤیل ژی بریندار بوون.
ئارتهشا ئەسەد و ھێزێن رهژیمێ ژ کۆمێن تەرۆریستێن بیانی یێن ئیران پشتگریێ لێ دكه، پێک تێ سەرێ سبێ یا ئیرۆ رۆژا یهكشهمی ژ ئاسیمان و بەژاهیێ ئێریشی ناڤچەیا ماراتنومانێ، سەراکیب و ئەریھایێ، گوندێن مارشیمارین، ماسارانێ یێن ل ئدلبێ و دەیس سنبلێ، گوندێ بەرنەیێ یا رۆژئاڤایێ ھەلەبێ کرن.
ل گۆر ئاگاھیێن ئەول ل ناڤچەیا ئەریھایێ 7 سڤیل، ل ناڤچەیا سەراکیبێ سڤیلەک، ل بەرنە یا گوندێ ھەلەبێ 2 سڤیل، ب تەڤاھی 10 سڤیل ھاتن کوشتن و ژ 20ان زێدەتر سڤیل ژی بریندار بوون.
تیمێن پاراستنا سڤیلان یا ئدلبێ (کوم سپی) خەباتێن لێگەرین و خلاسکرنێ ددۆمینن و دترسن ھەژمارا مریان زێدە ببە.