«ئاڤابوونا دەولەتا کوردستانێ، ئاڤابوونا ئیسرائیلا دویەمینە»

«ئاڤابوونا دەولەتا کوردستانێ، ئاڤابوونا ئیسرائیلا دویەمینە»

پاش کو ئۆجالان هاتیە دەستەسەر کرن ژ ئالیێ دەولەتا ترکیێ هەرتم خاستیە کو پەکەکێ بگۆهرە و بێخە د خزمەتا دەولەت و میساقێ مللی یێ دەولەتێ دە، ژبۆ ڤێ یەکێ ژی بریارا ئاگربەستا دگەل ترکیێ ستاند، باکور هەمو ڤالا کر و چەکدارێن خوە ڤەگۆهاستن باشوورێ کوردستانێ ب ڤی رەنگی دەولەتێ جارەکە دن ژ خوە رە دەرفەت دیت کو دیسان دەست دانیت سەر وان ناڤچەیان کو پەکەکێ بێ شەر تەسلیمی وان کربوون و تو چەکدارێن خوە ل ور نەهێلای.

ئۆجالان ب تو ئاوایەکی ناخوازە دەولەتا کوردستانێ ئاڤا ببە

ئۆجالان ب تو ئاوایەکی ناخوازە دەولەتا کوردستانێ ئاڤا ببە، ئەڤ یەک ژی چەندین جاران ب زمانێ خوە و قەلەمێ خوە راستە راست ژ گەلێ کورد رە بەیان و زەلال کریە، ئۆجالان دبێژە: «پێویست ناکە دەولەتا کوردستانێ ئاڤا ببە، بەلکو پێویستە کورد بێی کو سینۆرێ دەولەتێن دن “ترکیێ، ئیران، سووریێ، ئیراقێ” بگوهه‌رینە، ل چارەسەریەکە دن بنێرن ژ بۆ پرسگرێکا کوردی»، هەر وها ئۆجالان دبێژە: «ئاڤابوونا دەولەتا کوردی یا بچووک ل رۆژهەلاتا ناڤین دە وێ ببە سەدەما ئاڤابوونا ئیسرائیلا دویەمین و ئەڤ یەک دبە گەفەک مەزن ل سەر دەولەتێن دن، هەرچەند ژ ئالیێ گەلەک کەسان ڤە وها خوەیا دبە کو ئۆجالان ڤان ئاخافتنان وەکە تەکتووک بکار دئینە، لێ بەلێ ئۆجالان ژ دەولەتێن داگیرکار زێدەتر ل دژی ئاڤاکرنا دەولەتا کوردستانێ د راوستە!

 ئۆجالان ب سەدەهان بەرپەر نڤیساندنە و تێدە ب زەلالی دژاتیا خوە ژ بوو دەولەتا کوردستانێ بەیان دکە و دبێژە: «سیستەمێ دەولەتێ سیستەمەک پاشکەفتی یە و دگەل سەردەمێ نها دا ناگۆنجە»! لێ بەلێ ل هەمان دەم ده‌ باس ل پاراستنا سینۆرێن دەولەتێن داگیرکار دکە و ب تو ئاوای باس ل ژناڤبرنا وان سینۆران و وان دەولەتان ناکە و ل ڤر پرسا کو درست دبە ئەڤە، گەلو گەر دەولەت فۆرمەکە ئێکسپایەرە به‌ چما ئۆجالان پەکەکێ ژ بۆ ژناڤبرنا دەولەتێن داگیرکار ئاراستە ناکە؟ بەلکو پەکەکێ ژ بۆ پاراستنا ڤان دەولەتان و رێزگرتن ل سینۆرێ وان ئاراستە دکە؟

ئۆجالان ئەو سوزا ب دەولەتا ترکیێ رە دای بجی ئانیە

ئۆجالان دەستێ ئالیکاریێ ژ دەولەتا داگیرکار ئا ترکیێ رە درێژ کریە ل دژی وان کەسان یێن کو ژ بۆ کوردستانەک سەربخوە و ئازاد تەکۆشین کریە ئەو کەسێن کو دخوه‌ست دەولەتا کوردستانێ ئاڤا بکن، ئەو هەلسەنگاندنێن ئۆجالان ل سەر پەکەکێ ئەنجام دای، ل بەر چاڤن و دیارە کو ژ هەموو ئالیەکێ مفادار تر ژ پەکەکێ، دەولەتا داگیرکار ئا ترکیێ یە، ئۆجالان ئەو سوزا ب دەولەتا ترکیێ رە دای بجی ئانیە و هەیا نها بەردەوام خزمەتا دەولەتا ترکیێ دکە.

د سیاسەتێ ده‌ ئەنجامدانا پەیوەندییان دگەل دەولەتان یان پارتی یان کەسێن دوژمن کارەکە رێ پێ دایی و ئاسایی یە، لێ ب مەرجەکێ کو ئەو پەیوەندی ل دوماهیێ د بەرژەوەندییا گەل و ولاتی دە بیت ل سەر ڤێ بنگەهێ ئەم دکارین ببێژین کو پەیوەندیێن ئۆجالان و پەکەکێ دگەل دەولەتێن داگیرکار دبە تشتەک ئاسایی به‌، لێ ب تو ئاوای ئەنجامدانا ڤان پەیوەندییان ل سەر خوینا شەهیدێن کورد و د بەرژەوەندییا دەولەتێن داگیرکار ب گشتی و ترکیێ ب تایبەتی تشتەکە ئاسایی و رێ پێ دایی نینە و پێدڤی دکە ئەڤ بابەت ب باشی وەرە شیرۆڤە کرن و رێ ل ڤێ کارێ پەکەکێ وەرە گرتن.

 پەکەکە گرێدانا پەیوەندییان دگەل هەر کەس و ئالی و دەولەتەکێ ژ بۆ خوە ب ئاسایی دبینە و دبێژە: «ئەڤ سیاسەتە» لی بەلێ دەما پارتیەکە دن ئا کوردستانێ پەیوەندییان دگەل دەولەتا ترکیێ گرێ بدە ئەڤجا ئەڤ پەیوەندییە چەند پەیوەندیێن بازرگانی و سیاسی بن و دوور بن ژی ژ بن دەستیێ و خوە زال کرنا ترکیێ، لێ ل داویێ پەکەکە ڤان پەیوەندییان ب ئیخانەت ناڤ دکە دبە ئەنجامدانا پەیوەندیێن ئابووری یێن هکوومەتا هەرێما باشوورێ کوردستانێ ب رێیا “پارتیا دەمۆکرات ئا کوردستانێ” پەدەکێ دگەل ترکیێ باشترین میناك به‌ ل سەر ڤێ یەکێ.

پوستێن ھەمان بەش