ئه‌مه‌ریكایێ هشیاری ژ ئێریشێن ئیرانێ دان

ئه‌مه‌ریكایێ هشیاری ژ ئێریشێن ئیرانێ دان

ویلایه‌تێن یه‌كبوویی یێن ئه‌مه‌ریكایێ ئیرۆ كه‌شتیێن رۆژهلاتا ناڤین ژ هه‌ر ئێریشه‌كه‌ چاڤه‌رێكری یا ئیرانێ هایدار كرن و راگهاند كو دبه‌ ل هه‌ر وه‌ختێ بكه‌ڤن به‌ر ئێریشان.

رێڤه‌به‌رییا ده‌ریاڤانی یا ئارته‌شا ئه‌مه‌ریكایێ ئیرۆ رۆژا سێشه‌می 7/1/2020ان ته‌ڤ كه‌شتیێن ده‌ریایی ل رۆژهلاتا ناڤین ژ ئێریشێن چاڤه‌رێ كری یێن ئیرانێ هایدار كرن و راگهاند؛ دبه‌ ل هه‌ر وه‌ختێ كه‌شتیێن ئاڤێن رۆژهلاتا ناڤین ره‌ ده‌رباس دبن، راستی ئێریشێن كۆمارا ئیسلامی بن.

هه‌ر وها ده‌ست نیشان كر، ده‌رفه‌ت هه‌یه‌، كۆمارا ئیسلامی یا ئیرانێ رێكارێن ل دژی ئه‌مه‌ریكا و به‌رژه‌وه‌ندیێن وێ بگریته‌ به‌ر و ئێریشا كه‌شتیێن ل رۆژهلاتا ناڤین بكه‌.

رێڤه‌به‌رییا ده‌ریاڤانی یا ئارته‌شا ئه‌مه‌ریكایێ ئه‌ڤ هشداری راگهاند ب تایبه‌ت ژ بۆ وان كه‌شتیێن په‌ترۆلێ د ده‌ریا و ته‌نگئاڤێن رۆژهلاتا ناڤین ره‌ ده‌رباس دكن.

ل ئینییا رابووری، هێزێن ئاسیمانی یێن ئه‌مه‌ریكایێ ئه‌ره‌به‌یا قاسم سوله‌یمانی فه‌رماندارێ فه‌یله‌قا قودسا ئیرانی و ئه‌بو مه‌هدی موهه‌ندس جێگری سه‌رۆكێ ده‌سته‌یا هه‌شدا شه‌ئبی یا ئیراقێ ل نێزی باله‌فرخانه‌یا به‌خدایێ هه‌ده‌ف كرن و كوشتن.

كۆمارا ئیسلامییا ئیرانێ كو ئیرۆ مه‌راسیما بن ئاخ كرنا سلێمانی ب رێ كرن، گه‌ف كرنه‌ كو ئه‌و دێ تۆلهدانه‌كه‌ هه‌ری دژوار پێش كوشتنا سوله‌یمانی ڤه‌ ژ ئه‌مه‌ریكایێ بكن.