هکوومەتا ئوسترالیایێ بریار دا، ب رێیا بالەفران، تەقەیێ ل هەزاران حێشتران بکە و وان بکوژە.
تۆرا بی بی سی ژ زارێ یەک ژ روونشتڤانێن ناڤچەیا کانیێ ب ناڤێ ماریتا باکەر راگهاند: “حێشتر ژ بەر کێمیا ئاڤێ، دهێنە نێزی مالان و ل دووڤ ئاڤێ دە دگەرن، ئەڤ یەک ژی بوویە سەدەما دلگرانیا مە و ئەم ژ سلامەتی و ئەولەهیا زارۆیێن خوە د ترسین.
هات ئەشکەرە کرن کو کوشتنا وان هێشتران تو پەیوەندیەک ب وێ ئاگرکەتنێ ڤە نیە یاکو ل ئۆسترالیایێ چێبووی، بەلکو پەیوەندی ب وێ هشکەسالیێ ڤە هەیە یاکو چەندین سالە ئەڤ وەلاتە ب خوەڤە گرتی. رایەدارێن ئۆسترالیایێ دبێژن، حێشتر ئاڤەکە زێدە ڤەدخۆن و رەوش پر خەرابتر کریە.
ئەڤ بۆ دەما چەندین سالانە هشکەسالیێ ئۆسترالیا ڤەگرتی و یەکە ژ وان سەدەمێن ئاگربەربوونا دارستانێن وی ولاتی کو بوویە ئەگەرا کوشتنا زێدەتر ژ 500 ملیۆن ئاژەلان و 25 کەسان ژی جانێ خوە ژ دەست دایە.
هه‌ژمارا حێشتران ل ئۆسترالیایێ ب سەدان هەزار حێشتر دهێن خەملاندن.
