خوه‌پێشاندان ئیرۆ ل ته‌هرانێ یا پایته‌ختا كۆمارا ئیسلامی یا ئیرانێ ده‌ست پێ كرن، خوه‌پێشانده‌ران سلۆگانا مرنێ ژ بۆ دره‌وكه‌ران د خوه‌ستن و داخوازا ده‌ست ژ كار به‌ردانێ ژێ كرن.
ل پایتەختا ئیران تەھرانێ، ل دژی خستنا باله‌فرا ئۆكراینا، ئیرۆ رۆژا شه‌می 11/1/2020ان خوەپێشاندان ب درووشمێن «مرن ژ بۆ دەرەوکەران» دەست پێ کرن.
د خوه‌پێشاندانان ده، ھەژمارەک زێدە یا وەلاتیان ل بەر زانینگەھا ئەمیر کەبیر و پرا ھافیزە یا ل تەھرانێ کۆم بوون و دەست ب خوەپێشاندانان کرن.
ھات راگھاندن كو ھەژمارەک زێدە یا پۆلیس و لەشکران ل جیێ خوەپێشاندانێ بەلاڤ بوونە.
خوەپێشاندان درووشمێن «مرن ژ بۆ دەرەوکەران» دبێژن و داخوازا ده‌ست به‌ردانێ ژ بەرپرسێن ئیرانێ دکن.
ئەڤ خوەپێشاندان پشتی وێ یەکێ ھاتن کو سپایێ پاسدارێن ئیرانێ، ئیرۆ ئه‌شكه‌ره كر کو وان باله‌فرا نه‌فه‌رهه‌لگر یا ئوکراینایێ خستن خوارێ و د ئەنجامێ دە 176 کەس مرن کو ژ وان 82 کەس وەلاتیێن ئیرانێ بوون.
