موقته‌دا داخوازا خوه‌پێشاندانه‌كه‌ ملیۆنی دكه‌

موقته‌دا داخوازا خوه‌پێشاندانه‌كه‌ ملیۆنی دكه‌

رێبه‌رێ ته‌ڤگه‌را سه‌در ئیرۆ بانگ ل گه‌لێ ئیراقێ كر خوه‌پێشاندانه‌كه‌ ملیۆنی ژ بۆ ده‌رخستنا هێزێن ئه‌مه‌ریكایێ ژ ولات بكه‌ن.

موقته‌دا سه‌در ئیرۆ رۆژا سێشه‌می 14/1/2020ان ل سه‌ر هه‌سابا خوه‌ یا تویته‌رێ، بانگ ل گه‌لێ ئیراقێ كر كو ژ بۆ ده‌رخستنا هێزێن ئه‌مه‌ریكایێ ژ ولات ده‌ركه‌ڤن جادده‌یان و خوه‌پێشاندانه‌كه‌ ملیۆنی ل دار بخن.

رێبه‌رێ ته‌ڤگه‌را سه‌در ئه‌ڤ یه‌ك راگهاند و گۆت: «دێ مه‌ هه‌لوه‌ست ل جادده‌یێ و هه‌موه‌خت ل پارلمه‌نا ئیراقێ ژی ژ بۆ پاراستنا رومه‌تا ولات هه‌به»‌.

پارلمه‌نا ئیراقێ ل رۆژێن رابووری ب پرانییا ده‌نگێن شیعه‌یان پرۆژه‌ بریارا ده‌رخستنا هێزێن بیانی و یێن ئه‌مه‌ریكایێ په‌ژراند، ئه‌ڤ بریار هه‌موه‌خت هه‌ده‌ف كرنا ئه‌مه‌ریكایێ ژ بۆ ترومبێلا قاسم سوله‌یمانی و ئه‌بو مه‌هدی موهه‌ندس ل نێزی باله‌فرا به‌خدایێ تێ.

ل گه‌ل ئه‌ڤێ بریارا پارلمه‌نا ئیراقێ، دۆنالد ترامپ سه‌رۆكێ ئه‌مه‌ریكایێ گه‌فێن هه‌ری دژوار ل ئیراقێ كرن و راگهاند، ئه‌وێ جه‌زایێن هه‌ری توند ل سه‌ر ئیراقێ سه‌پینه‌ ب ئاوایه‌كی كو ئه‌ڤ جه‌زا د دیرۆكێ ده‌ نه‌هاتبن دیتن.