پارلمه‌نا كوردستانێ پشتی چه‌ندین جڤین و نیقاشێن هه‌ری دژوار ل ناڤبه‌را پارلمه‌نته‌ران، ئیرۆ پرۆژه یاسایا ریفۆرمێ په‌ژراند.
پارله‌مه‌نا كوردستانێ ئیرۆ رۆژا پێنجشه‌می جڤینا خوه یا ژ بۆ نیقاش كرنێ ل سه‌ر پرۆژه یاسایا ریفۆرمێ دۆماندن و ب كۆما ده‌نگێن پارلمه‌نته‌ران، پرۆژه هات ئه‌رێ كرن، پارلمه‌نته‌رێن ته‌ڤگه‌را نه‌وی نوێ، کۆمەلەیا ئیسلامیا کوردستانێ و یەکگرتوویا ئیسلامیا کوردستانێ پارلمەنتۆ تەرک کرن.
ھەروھا راگھاندن کو وێ مووچەیێن پارلمەنتەر و بەرپرسێن پایە بلندێن ژ 4 ملیۆن دینارێن ئیراقی کێمتر نابە.
د پرۆژه یاسایا ریفۆرمێ ده، 21 مادە ب پرانیا دەنگێن پارلمەنتەرێن کوردستانێ ھاتن ئەرێ کرن، ژ بەر کو پێشنیازێن تەڤگەرا نه‌وه‌ی نوێ، کۆمەلەیا ئیسلامیا کوردستانێ و یەکگرتوویا ئیسلامیا کوردستانێ د پرۆژەیاسایێ دە ناھاتن ب جھ کرن وەکە نەرازیبوون ھەرسێ كوالیسیۆنان روونشتنا پارلمەنتۆیێ بایکۆت کرن.
هه‌ر وها وان ب ریا جڤینا چاپەمەنیێ ھەلوەست نیشاندان، سەرۆکێ کۆما تەڤگەرا نه‌وه‌ی نوێ گۆت: ئەڤ نە ریفۆرمە کو مووچەیێن پایەبلندان وێ قەت ژ 4 ملیۆن و 100 ھەزار دینار کێمتر نەبە.
ھەروھا ل سەر تۆرێن جڤاکی ژی ل دژی ئەرێ کرنا پرۆژەیاسایێ گەلەک بەرتەک ھەبوون، ب تایبەت ل دژی مووچەیێن پارلامەنتەر و بەرپرسێن پایەبلند کو ل گۆری مووچەیێن دن گەلەک زێدەیە.
لێ به‌لێ ل به‌رانبه‌ر ڤێ ئیدیعایێ، پارلمه‌نته‌رێن كوالیسیۆنێن كو ده‌نگ ب پرۆژه‌یاسایا ریفۆرمێ دانه، ئه‌شكه‌ره كرن كو كوالیسیۆنێن كو روونشتنا پارلمه‌نتۆیێ ته‌رك كرین، دخوازن موزایه‌دێن سیاسی ب پرۆژه‌یا ریفۆرمێ بكن.
ب ته‌ڤاهی 89 پارلمه‌نته‌ران ژ كۆما 111 پارلمه‌نته‌رێن كوردستانێ ده‌نگ ب پرۆژه‌یا ریفۆرمێ دا و پرۆژه هات ئه‌رێ كرن.
