به‌رفێ رێیا گوندان ل باكورێ كوردستانێ ئاسێ كرنه‌

ل وانێ رێیا 359 گوند و تاخان یێن ژ بەر بەرفێ ھاتبوون گرتن ژێ 356 رێ ھاتن ڤەکرن.

ل گۆر داخویانیا شارەداریا مەزنا وانێ 30 تیم ژ بۆ رێیێن ژ بەر بەرفێ ھاتنە گرتن ڤەکن، د خەبتن.

د داخویانیێ دا ھات گۆتن ژ 4 رۆژان ڤر ڤا 356 رێ ھاتن ڤەکرن، ژ بۆ رێیا 3 تاخێن دن ژی بێن ڤەکرن خەبات دەوام دکن.

ل مووشێ و بدلیسێ

سەکرەتەرێ گشتیێ ئیدارەیا تایبەتا باژێرێ داخویاند، رێیا گوندان یێن گرتیبوون ھاتن ڤەکرن، ژ بۆ رێ بێن فرەھ کرن ژی خەبات دەوام دکن.

مدوورێ خزمەتێن رێ و گھاندنێ یێ ئیدارەیا تایبەتا بدلیسێ ژی دیار کر کو ژ بەر بەرفێ رێیا 3 گوندان ھاتبوو گرتن، پشتی خەباتان ئەو ھاتن ڤەکرن.

ھشیاریا جەمەدێ

د داخویانیا مدووریەتا ھەرێما 14ان یا مەتەۆرۆلۆژیێ دا ھات گۆتن ھەوایێ پر ئەورایی بە، دبە کو بەردەستێ سبێ و ب شەڤ ئەرد بجەمدە، مژ و دوومان چێببە.

گەرماھیا ھەوایێ وێ ل گۆر دەم سالێ بە، ژ ھێلا باکور ڤا دەم دەمی با وێ رابە.

تێ تەخمینکرن ب رۆژ گەرماھیا ھەری زێدە یا ھەوایێ وێ ل وانێ پلەیەک، ل مووشێ د بن سفرێ دا 4 پلە، ل ھەکاری و بدلیسێ ژی 3 پلە بە.