مه‌لایه‌ك زه‌وجی و پاش دو هه‌فتیان دیار دبه‌ هه‌ڤژینا وی مێره‌

مه‌لایه‌ك زه‌وجی و پاش دو هه‌فتیان دیار دبه‌ هه‌ڤژینا وی مێره‌

مه‌لایێ مزگەفتەکێ ل ولاتێ ئۆگاندایێ، دو هەفتەیان پاش زەواجا خوە، دزانە کو ژنا زەواج دگەل وی دە پێک ئانی، ژن نیە بەلکو مێرە، مەلە دبێژه‌: «به‌را زه‌واجێ ئه‌ز پر شه‌یدایێ حیجاب، ئیمان و تەقوایا وێ ببووم، لێ پشتره‌ ئه‌شكه‌ره‌ بوو كو ئه‌و مێره‌ك سه‌خته‌چی یه‌».

پێگەها “دەیلی مۆنیتەر” راگهاند زەلامەک ب ناڤێ محه‌مه‌د مۆتۆمبا کو ئیمامێ مزگەفتا نۆرە ل ناڤچەیا کیۆنجا ل ناڤەندا ئۆگاندایێ یە، وه‌ختا کو ل پەی ژنەکە باش ژ بۆ زەواجێ دگەریا، ژنەک جوان و ب حیجاب دبینە و نە ب دلەکێ ب سەد دلان ژێرە حەز دکە.

دەما کو شێخ محەمەد داخوازا زەواجێ ژ ڤێ کەچا جوان و رند ئا ئۆگاندی دکە، هەر زوو داخوازا شێخ محەمەد تێ په‌ژراندن، لێ بەلێ بجی ئانینا ئەرکێن ژن و مێران ب مەرج قەبوول کرن، مەرج ژی ئەڤ بوون، پێش ئەرکێن خوە جیبەجی بکە، پێویسته‌ شێخ محەمەد نەختێ وێ بدە دەست خالتیکا وێ دە.

زه‌واج چێبوو، بووكێ ژی دو هەفتەیان پاش زەواجێ، ب هێنجەتا «دەورا مه‌هانه‌ یا ژنان» خوە ژ هەمبێزگرتنا شێخ محەمەد دەرباس کر.

د وان رۆژان دە، یەک ژ جینارێن  شێخ محەمەد، بووکێ دبینە کو دخواست ل دیوارێ هەوشێ سەرکەڤە و وان ئاموورێن ئەلکتریکێ و ئالاڤێن لێنانگەهێ کو دزیبوون ب خوە رە ببە، لێ جینارێ شێخ محەمەد هەر زوو پۆلیسان هایدار دکە و بووک تێ گرتن.

ئیسحاق مۆجیرا، ئەفسەرێ ڤەکۆلەرێ باژارێ کیۆنجا راگهاند، پاش ئەشکەرە بوونا ڤێ بابەتێ کو هەڤژینا شێخ محەمەد د راستی دە مێرە، ئیمامێ مزگەفتا نۆر ئەڤ یەک باوەر نەکر و خواستیە ئەو ب خوە ل هه‌ڤژینا خوه‌ ب نێره‌ كانێ ژنه‌ یان مێره‌،

پاش ئەشکەرە بوونا بابەتێ، شێخ محەمەد سکالایێ ل سەر هەڤژینا خوە تۆمار دکە و تێدە هەڤژینا خوە ب فێلبازی، خاپاندن و دزیان سووچبار دكه‌ داکو بکارە خەسارەتێن خوە ژێ بستینە.

ڤەکۆلینان ئەشکەرە کر کو کەسێ فێلباز گەنجەک 27 سالی یە ب ناڤێ «ریچارد تۆمۆشابی» کو ب گوهەرینا دێمێ خوە وەکە ژنەکێ، دخواست دزیان ژ ئیمامێ مزگەفتێ بکە.

پاش دەمەکێ کورت خالتیکا وی ژی تێ گرتن لێ خالتیکا وی دبێژە تو تێکلداریا وێ ب وی رە نینە و نەدزانی کو ئەو مێرە. ریچارد لسەر شەکلێ کەچەک جوان دچە جەم ڤێ ژنێ و ب هێنجەتا ڤێ یەکێ کو هێتیمە، ژێرە دخوازە د مەراسیما زەواجا وێ دە ئامادە ببە.