خانگدرا تاپا ماگاریێ خەلکێ ولاتێ نیپالێ کو بەژنەک 67.08 سەنتیمەتری هەبوو، ژ ئالیێ پرتووکا گینس ژ بۆ نمرەیێن پیڤانەیی ناڤێ وی وەکە کورت ترین مرۆڤ د جیهانێ دە کو دکاری ب رێڤە بچە، هاتبوو تەسبیت کرن.
هەڤالێن وی ژ گینسێ رە راگهاند کو خانگدرا تاپا ماگار ژ پسگرێکێن دلی، و بێهن تەنگیێ رەنج دکێشا.
ئەو ل رۆژا پێنج شەمی 16/1/2020ان ل نەخوەشخانەیا نیپال هات نڤاندن و ل رۆژا ئەینی رێکەفتی 17/1/2020ان وەغەرە داویێ کر.
پرتووکا گینس دو دەستەیێن جودا ژ بۆ کەسێن بەژن کورت هەنە: یێن دکارن ب رێڤە بچن و یێن نەکارن ب رێڤە بچن. بەژنا ماگار ئەو کربوو کورت ترین مرۆڤێ کو دکاریت ب رێڤە بچە کو 7 سانتیمەتران ژ جۆنری بالاوینگێ فلیپینی بلندتر بوو، ئەو 59.93 سانتیمەتران بلندە و ژبەر نەخوەشیێن هەستییان نکارە ب رێڤە بچە یانژی بێ ئالیکاریا کەسەک دن خوە لسەر لنگان بگرە.
ماگار ل بەشا بگلۆنگ یا نیپالێ ل 14 ئۆکتۆبەرا سالا 1992 ژ دایک بوویە و ل دەستپێکا سالا 2010ان دە وەکە کورت ترین جوانێ جیهانێ هات ناساندن.
ماگار ل دەما ژدایک بوونێ دە ئەو قاس بچووک بوو کو جهێ وی ل ناڤا دەستێ مرۆڤی دە دکر و هەر ژبەر ڤێ یەکێ شوشتنا سەرێ ناڤبری پر زەحمەت بوو.
