ل گەڤەرا ناڤچەیا جولەمێرگێ هنده‌ك گوندێن ل دەڤەرێن بلند ژ بەر کو 1.5 مه‌تران به‌فر باریه، ھنده‌ك مال د بن به‌فرێ دا مان.
ل ناڤه‌ندا باژێر به‌فرا کو 3 رۆژان به‌رده‌وام دباریت، ل ھنده‌ك گوندان كارتێكرنه‌كا نەرێنی ل ژیانێ کریه، ل گوندێ کادکۆیێ کو 17 کیلۆمەتران دووری ناڤەندا ناڤچەیێ یە، ل گەل خانیان، كۆل و جهێن دی یێن وەلاتیان د بن به‌فرێ دا مان، وەلاتیان ب ئامیرێن خوە به‌فرا ل دۆرا خانیێن خوە پاقژ کرن و دەرکەتن دەرڤه.
به‌فرا کو وه‌لاتیێن گوند تەنگەزار کریه، ژ بۆ زارۆکان بوو ده‌رفته‌ته‌كا شاھی و كه‌یفێ، زارۆک كو نها د بێهنڤه‌دانا نیڤ سالێ دا نه، ژ خوە را یاریێن به‌فرێ چێكرن.
وه‌لاتیێ گوندی فاتح کۆمور دیار کر کو ئیسال به‌فرەکە زێدە کەتییه، به‌فر بێ ناڤبر دبارە و ژیان ل وان ته‌حل کریە.
هه‌روها ده‌ست نیشان كر، مالێن وان د بن به‌فرێ دا مان، ئەم ب بێر و به‌فرۆکان به‌فرا ل دۆرا خانی و گۆمان پاقژ دکه‌ین و رێیان ڤەدکه‌ین.
