نێچیرڤان بارزانی ب ناڤێ گه‌لێ كوردستانێ چ گۆته‌ ترامپی؟

نێچیرڤان بارزانی ب ناڤێ گه‌لێ كوردستانێ چ گۆته‌ ترامپ؟

سه‌رۆكێ هه‌رێما كوردستانێ، ئه‌ڤرۆ ل باژارێ داڤۆسێ دگه‌ل سه‌رۆكێ ئه‌مه‌ریكایێ كۆمبوو، هه‌ردو ئالییان ره‌وشا ناڤچه‌یێ، هه‌رێما باشوورێ كوردستانێ و ئیراقێ گۆتوبێژ كرن.

ئه‌ڤرۆ 22/1/2020ێ نێچیرڤان بارزانی سه‌رۆكێ هه‌رێما كوردستانێ و دۆنالد ترامپ سه‌رۆكێ ئه‌مه‌ریكایێ د په‌راوێزا كۆربه‌ندا ئابوورییا داڤۆسێ دا ل ولاتێ سویسرایێ كۆمبوون، د ڤێ كۆمبوونێ دا كو ده‌ما 40 خۆله‌كان به‌رده‌وام كر، رۆبێرت چارلز ئۆبراین شێوه‌رمه‌ندێ ئاساییشا نشتیمانییا ئه‌مه‌ریكایێ و شاندا هه‌رێما باشوورێ كوردستانێ ئاماده‌بوون.

پشتی كۆمبوونێ نێچیرڤان بارزانی ب ناڤێ گه‌لێ كوردستانێ سوپاسییا سه‌رۆكێ ئه‌مه‌ریكایێ كر، دۆنالد ترامپ سه‌رۆكێ ئه‌مه‌ریكایێ ژی راگه‌هاند كو ئه‌مه‌ریكا ب باشی كار ل گه‌ل هه‌رێما كوردستانێ كرییه‌.

ترامپ هه‌ر وها گۆت: «جهێ خۆشحالیێ یه‌ ئه‌و ل گه‌ل سه‌رۆكێ كوردستانێ یه‌، وه‌خته‌كا دیار كری ژ بۆ ڤێ كۆمبوونێ هه‌بوو و هه‌ر وها وه‌خته‌كا درێژه‌ مه‌ دخوه‌ست هه‌ڤ ببینین».

 ل ده‌ربارا هێزێن ئه‌مه‌ریكایێ ل باكورێ سووریێ ترامپ گۆت: «ئه‌و ژ هنده‌ك ناڤچه‌یێن سنۆری چووینه‌، وان كاره‌كێ باش ل گه‌ل تركیێ كریه‌ ل ده‌ربارا وێ ناڤچه‌یا پێ دهێته‌ گۆتن ناڤچه‌یا ئارام، ئه‌ز ڤی كاری ب به‌رزی د نرخینم».

ژ ئالیێ خوه‌ ڤه‌، نێچیرڤان بارزانی سه‌رۆكێ هه‌رێما كوردستانێ د كۆنفرانسه‌كێ چاپه‌مه‌نیێ دا سوپاسیا سه‌رۆكێ ئه‌مه‌ریكایێ كر و گۆت: «ئه‌م هه‌ڤبه‌شێن گرنگێن هه‌ڤین، سوپاس ژ بۆ سه‌ركرداتییا هه‌وه‌، سپاس ژ بۆ پشتگرییا هه‌وه‌، مه‌ ب هه‌ڤره‌ داعش ژ ناڤبر، ب ناڤێ گه‌لێ كوردستانێ سوپاس و رێزێن خوه‌ ژ بۆ سه‌ركرداتییا هه‌وه‌ و پشتگرییا هه‌وه‌ ده‌ردبرین».