ئه‌ره‌به‌یه‌كا مایینكری ل گرێ سپیێ ته‌قی

ئه‌ره‌به‌یه‌كا مایینكری ل گرێ سپیێ ته‌قی ئه‌ره‌به‌یه‌كا مایینكری ئیرۆ ل باژارۆكێ گرێ سپیێ یێ رۆژهلاتا فراتێ ته‌قی، 6 كه‌س هاتن كوشتن و بریندار كرن. ل گۆر چاڤكانیێن داركا مازی، ئیرۆ رۆژا پێنجشه‌می 30/1/2020ێ ئه‌ره‌به‌یه‌كا مایینكری ل ناڤه‌ندا باژارۆكێ گرێ سپی یێ رۆژهلاتا فراتێ ته‌قی و ب وێ سه‌ده‌مێ 2 كه‌سان جانێ خوه ووندا كر و 4 كه‌سێن دن ژی بریندار كه‌تن. ئارته‌شا تركیێ و هێزێن گرێدای وێ ئه‌شكه‌ره كرنه كو ئه‌ره‌به‌یا مایینكری ل ناڤه‌ندا گۆمركێن باژارۆكێ گرێ سپیێ هاتییه ته‌قاندن و یه‌كینه‌یێن پاراستنا گه‌ل یه‌په‌گێ ب وێ ته‌قینێ سووچبار كرنه‌. هه‌ر وها ده‌ست نیشان كر، یه‌په‌گێ د خوه‌ست هێزێن گرێدایێ تركیێ بكه‌ته ئارمانج، لێ به‌لێ ژ به‌ر كو ته‌قینێ زرار گه‌هاندنه خه‌لكێ سڤیل، یه‌په‌گێ به‌رپرسیارییا خوه ژ ته‌قینێ هلنه‌گرتییه‌. ناڤه‌ندا مه‌دیایا یه‌په‌گێ و هه‌سه‌دێ هه‌یا نها چ راگهاندن و داخوه‌یانی ل ده‌ربارا وێ ته‌قینێ به‌لاڤ نه‌كرنه‌. ئارته‌شا تركیێ ل سالا رابووری ئێریشا داگیركارییێ ل سه‌ر رۆژئاڤا كوردستانێ پێكانی بوو و باژارۆكێ گرێ سپیێ و هه‌ژماره‌كه ناڤچه‌یێن دن یێن رۆژهلاتا فراتێ وه‌كه هه‌رێما ئارام ب ناڤ كرنه‌، نها ژی ئارته‌شا تركیێ و میلیتانێن گرێدای وێ تێده جی دگرن.

ئه‌ره‌به‌یه‌كا مایینكری ئیرۆ ل باژارۆكێ گرێ سپیێ یێ رۆژهلاتا فراتێ ته‌قی، 6 كه‌س هاتن كوشتن و بریندار كرن.

ل گۆر چاڤكانیێن داركا مازی، ئیرۆ رۆژا پێنجشه‌می 30/1/2020ێ ئه‌ره‌به‌یه‌كا مایینكری ل ناڤه‌ندا باژارۆكێ گرێ سپی یێ رۆژهلاتا فراتێ ته‌قی و ب وێ سه‌ده‌مێ 2 كه‌سان جانێ خوه‌ ووندا كر و 4 كه‌سێن دن ژی بریندار كه‌تن.

ئارته‌شا تركیێ و هێزێن گرێدای وێ ئه‌شكه‌ره‌ كرنه‌ كو ئه‌ره‌به‌یا مایینكری ل ناڤه‌ندا گۆمركێن باژارۆكێ گرێ سپیێ هاتییه‌ ته‌قاندن و یه‌كینه‌یێن پاراستنا گه‌ل یه‌په‌گێ ب وێ ته‌قینێ سووچبار كرنه‌.

هه‌ر وها ده‌ست نیشان كر، یه‌په‌گێ د خوه‌ست هێزێن گرێدایێ تركیێ بكه‌ته‌ ئارمانج، لێ به‌لێ ژ به‌ر كو ته‌قینێ زرار گه‌هاندنه‌ خه‌لكێ سڤیل، یه‌په‌گێ به‌رپرسیارییا خوه‌ ژ ته‌قینێ هلنه‌گرتییه‌.

ناڤه‌ندا مه‌دیایا یه‌په‌گێ و هه‌سه‌دێ هه‌یا نها چ راگهاندن و داخوه‌یانی ل ده‌ربارا وێ ته‌قینێ به‌لاڤ نه‌كرنه‌.

ئارته‌شا تركیێ ل سالا رابووری ئێریشا داگیركارییێ ل سه‌ر رۆژئاڤا كوردستانێ پێكانی بوو و باژارۆكێ گرێ سپیێ و هه‌ژماره‌كه‌ ناڤچه‌یێن دن یێن رۆژهلاتا فراتێ وه‌كه‌ هه‌رێما ئارام ب ناڤ كرنه‌، نها ژی ئارته‌شا تركیێ و میلیتانێن گرێدای وێ تێده‌ جی دگرن.