ب سەدەما وی ئاگرێ کو ب ویلایەتا گاللەری یا باشوورا نوو NSW، کوینسلاند، ڤیکتۆریا و ئوسترالیایا باشوور لە ئوسترالیا کەتی و نێزی شەش مەهان بەردەوام بووی، 33 کەسان جانێ خوە ژ دەست دا و ب ملیۆنان گیانه‌وه‌ر مرن و 21٪ یا دارستانێن وی ولاتی بووینه‌ خوەلی. 

ئەنیستیتۆیا ژینگەهپارێزی یا هاوکەسبێری ل زانینگەها وێسترن سێدنی راپۆرتا خوە سەبارەت زیانێن شەواتا 2019ێ بەلاڤ کر کو ژ NSW دەستپێکر و پاش کویسلاند، ڤیکتۆریا و ئوسترالیایا باشوور ب خوە ڤە گرت.

ئەڤ شەواتە دەما شەش مه‌هان بەردەوام بوو هەیاکو هاتی کۆنترۆل کرن و ڤەمراندن، نێزی 11 ملیۆن هێکتار دارستان کرن خوەلی، ب ڤێ سەدەمێ ب تەنێ ل NSW و ڤیکتۆریا 5 ملیۆن و 800 هزار هێکتار دارستان شەوتین.

د راپۆرتێ دا ئاماژە ب ڤێ یەکێ هاتیە کرن کو شەواتا ب ڤی ئاوایی ل 20 سالێن داویێ دا ل هەموو جیهانێ روو نەدانە و تێدا هاتیە: «گەر ل دیرۆکێ بنێرین وێ ببینین هەر سال ل ئوسترالیا و ولاتێن دی ب رێژەیا ژ 5%دارستان تێن شەوتین، ب تەنێ ل ئاسیا و ئەفریقیا رێژەیا شەواتا دارستانانێن بچووک بۆ 8 تا 9% بلند بوو، لێ بەلێ ل سالا 2019-2020ێ ل ئوسترالیا ب تەنێ د یەک قۆناغ دا شەواتا دارستانێن وێ گهیشت 21٪.