ئیران ل سەر لڤینێن ئامەریکایێ ل ناڤا ئیراقێ دە هشیاریێ ددە

ئیران ل سەر لڤینێن ئامەریکایێ ل ناڤا ئیراقێ دە هشیاریێ ددە

عەباس مۆسەوی، بەردەڤکێ  وەزارەتا دەرڤە یا ئیرانێ هشیاری دا کو “لڤینێن سەربازی یێن ئامەریکایێ د ناڤا خاکا ئیراقێ دە دکارە ناڤچەیێ بەر ب نەئارامی و رەوشەکە خەراب ببە”.

مۆسەوی، ئەڤ لڤینە “بەرەڤاژی خواستەکا فەرمی و راگهاندی یا حکوومەتا ئیراقێ، پەرلەمان و گەلێ ئیراقێ دا ناساندن”.

ئەڤ یەک د دەمەکی دە یە کو پێش دو رۆژان ئامەریکایێ راگهاند ژ بوو پاراستنا هێزێن خوە ل دژی ئێریشێن ژ نیشکەکێ ڤە یێن ئیرانێ و هەڤالبەندێن وێ، ل هنەک پێگەهێن خوە ل ئیراقێ وێ سیستەما مووشەکی یا پاتریۆت بنەجی کن.

پێگەها نووچەیان ئا فرانسا دبێژە کو یەک ژ ڤان سیستەمێن بەرەڤانیا ئاسیمانی ل پێگەهەکێ ل هەولێرا پایتەختا هەرێما کوردستانێ هاتیە دانین و بریارە دو یێن دن ل کوێتێ بهێنە هنارتن ژ بوو ئیراقێ.

ئیران ل سەر لڤینێن ئامەریکایێ ل ناڤا ئیراقێ دە هشیاریێ ددە

ل سەر ڤێ یەکێ بەردەڤکێ وەزارەتا دەرڤە یا ئیرانێ داخواز ژ هێزێن ئامەریکایێ کریە کو “رێزێ ل داخوازیێن گەل و حکوومەتا ئیراقێ بگرن سەبارە دەرکەتن ژ ڤی ولاتی و چ دی رەوشێ ل ناڤچەیێ ئالۆز تر نەکن”.

تێ زانین کو د دەما دو مەهێن دەرباس بوویی دە هنەک پەڤچوون دناڤبەرا هێزێن ئامەریکایێ و ملیسێن شیعی یێن سەر ب ئیرانێ ڤە وەکە ملیسێن حیزبالله روو دابوون.

هەر وەها د چەند رۆژێن رابووری دە هژمارەک ژ راپۆرێن مەدیایی د مەدیایێن ئامەریکایێ دە باس ل بەرهەڤیا ئامەریکایێ ژ بۆ ئێریش کرنە سەر هێزێن چەکدار یێن شیعی یێن سەر ب ئیرانێ ڤە کریە.

رۆژنامەیا نیۆیۆرک تایمز ئا ئامەریکی ل ڤێ داویێ بەلاڤ کربوو کو پەنتاگۆن مژوولی پلانەکێ یە ژ بۆ ژناڤبرنا چەکدارێن حیزبالله. ل گۆرەی ڤێ راپۆرێ گەنەرال رابرت پی رایت، فەرماندارێ هێزێن ئامەریکایێ ل ئیراقێ پشتی وەرگرتنا فەرمانەکێ ژ بۆ بجی ئانینا نەخشەیا ئۆپەراسیۆنەک ب ڤی ئاوایی د نامەیەکێ دە ژ بۆ واشنتۆنێ هشیاری دابوو کو ئەڤ پلانە دبە ببە سەدەما شەرەک بێ هەمپا د گەل ئیرانێ و هەر وەها ژ ئالیێ لۆجیستی، پێدڤی دکە ئامەریکا چەندین هەزار سەربازێن دن ژبوو ڤێ مەرەمێ بشینە ئیراقێ.