ل ڤی ولاتی کچ دکارن هەڤژینەکێ ژ بۆ خوە کرێ بکن

ل ڤی ولاتی کچ دکارن هەڤژینەکێ ژ بۆ خوە کرێ بکن!

کرێ کرنا هەڤژینان و هەبوونا هەڤژینێن ب کرێ ژ بۆ کەچێن چینی ژ بەر رەوشا تایبەت ئا کارکرنێ و ژیانێ پەیدا بوویە و بوویە تشتەک نۆرمال د ناڤا پرانیا کچێن چینێ دە.

 ل ولاتێ چێنێ ب بەرچاڤ وەرگتنا هەژمارا هەری زێدە یا گەلێ ڤی ولاتی هەژمارەک زێدە ژ گەل ب تایبەتی کەچان ناچارن ژ بۆ دیتنا کارەک باش بچن باژارەک دن و دوور ژ مالباتا خوە ژیان بکن.

ئەڤ کەچە ژ بەر رەوشا کارکرنێ و قەبخوازیا کو ژ بۆ پەیداکرنا کاری ل چینێ هەیە ناچار دبن هەر چەند سالان جارەکی مالباتێن خوە ببینن، ژ ئالیەک دن مالباتێن وان پێداگیریێ دکن کو زارۆیێن وان بزەوجن!

ژ بەر ڤێ یەکێ ئەڤ کەچە دەست ب کارەک پر ئەجێب دکن و ژ بۆ خوە هەڤژینەکی کرێ دکن!

د راستی دە ئەڤ کەچە دەما کو دخوازن ژ بۆ دیتنا مالباتێن خوە ڤەگەرن باژارێن خوە، مێرەکێ بوو دەمەک دەستنیشان کری کرێ دکن و دگەل خوە دە دبن و دچن دیدارا مالباتێن خوە و ژ مالباتێن خوە رە دبێژن ئەڤ کەس مێرێ منە و ئەز پێرە زەوجیمە!

ئەڤ بۆ دەمەک درێژە هنەک رۆپەلێن ئەلیکترۆنی ژ بوو ب کرێ دانا مێران ژ بوو ڤان کەچان ل ولاتێ چینێ هاتینە ڤەکرن. بهایێ کو پێویستە کەچ ژ بوو کرێ کرنا مێرەکێ بدن ل گۆرەی دەمێ کرێ کرنێ تێ گوهەرین و د دەما سەفەر کرنێ دە هەموو تێچوو ئەڤجا ژ تێچوویێن خوارن و ڤەخوارنێ بگەر هەیا دگەهە تێچوویێن کرینا کنجا هەر هەموو ل سەر کەچێ تێن حەساب کرن.