رستكا «كۆرۆنا ڤایرۆس» كه‌ته‌ بازاری

كۆمپانییه‌كا رووسا فه‌ده‌رال یا كه‌لوپه‌لێن جوانكاریێ، رستكه‌ك ل سه‌ر شێوه‌یێ كۆرۆنا ڤایرۆس به‌رهه‌م ئینا و د ده‌مه‌كێ كێم ده‌، داخوازییه‌كه‌ هه‌ری زێده‌ ل سه‌ر چێبوو.

كۆمپانییه‌كا كه‌لوپه‌لێن جوانكاریێ ل باژارێ كۆسترۆما یێ رووسیا فه‌ده‌رال، رستكه‌ك ژ بۆ ژنان ل سه‌ر شێوه‌یێ ڤایرۆسا (كۆڤید-19) به‌رهه‌م ئانی یه‌ و د ده‌مه‌كێ هه‌ری كێم ده‌، پێتری 100 هزار دانه‌یان ل سه‌رانسه‌ری جیهانێ ژێ فرۆتنه‌.

رستكا كۆرۆنا ڤایرۆس ژ كانزایا زیڤی هاتییه‌ چێكرن، باڤێل فۆرۆبیف برێڤه‌به‌رێ كۆمپانیێ دبێژیت: «داخوازییه‌كه‌ هه‌ری زێده‌ ل سه‌ر رستكا كۆرۆنا ڤایرۆس هه‌یه‌ و بكرێن وان ب رێیا ئۆنلاین داخواز دكن و وان پێتر ژ 100 هزار رستكان ل رۆژێن رابووری فرۆتنه‌«.

هه‌روه‌ها ده‌ست نیشان كر، بهایێ رستكێ 13 دۆلارێن ئه‌مه‌ریكی نه‌ و ئه‌و پێشبینی دكن، پاش ب داوی هاتنا ڤێ ره‌وشێ، داخوازی ل سه‌ر زێده‌تر به‌.

هه‌ژماره‌كه‌ كه‌چ و ژنێن كو ئه‌ڤ رستكه‌ كرینه‌، وێنه‌یێن خوه‌ ل سۆشیال مه‌دیایێ پارڤه‌ كرنه‌ و ل گۆر وان، بیرۆكا چێكرنا ڤێ زینه‌تێ هاتییه‌ عه‌جباندن.