ل ترکیێ کوگەهەکا کارگەهەکە بەرهەم ئانینا چەکان “مووشەکان” تەقیا و بوو سەدەما برینداربوونا هنەک کەسان کو د ڤێ کارگەهێ دە دشوغلین.
ئیرۆ رۆژا سێشەمی مەدیایێن ترکیێ خەبەر ژ تەقەینا کارگەهەکە بەرهەمئانینا “مووشەکان” ئا سەر ب هێزێن چەکدار ئێن ولاتێ ترکیێ ل ناڤچەیا «ئەلماداغ» کو دکەڤە دەردوورێن پایتەختێ ترکیێ “ئانقەرەیێ” دا.
ل گۆرەی کەنالێ «سی ئێن ئێن» ئیسماعیل دەمیر، سەرۆکێ پیشەسازیێن بەرەڤانیێ یێن ترکیێ ئیرۆ رۆژا سێ شەمی ٧/٤/٢٠٢٠ان راگهاندیە ئەڤ تەقین نەبوویە سەدەما کوشتنا ت کەسەکێ.
پارێزگەرێ ئەنقەرێ ژی راگهاند ئەڤ تەقین ل ساعەت ١٤:٤٧ خۆلەکان روو دایە و سێ کەسێن کو د ڤێ کارگەهێ دە کار دکر ب سڤکی بریندار بوونە.
هەیا نها سەدەما ڤێ تەقینێ نەهاتیە ئەشکەرە کرن لێ بەلێ ئەڤ تەقین هەیا رادەیەکی تەقینەک ب هێز بوویە و دەبگێ ڤێ تەقینێ بوویە سەدەما پەیدابوونا ترسێ ل جەم گەلێ ناڤچەیێ.
ئەڤ کارگەها بەرهەمئانینا مووشەکان ل سالا ١٩٨٨ان هاتیە دامەزراندن و یەک ژ مەزنترین کارگەهێن بەرهەم ئانینا چەکی یە ل ولاتێ ترکیێ د ناڤا ٥٠٠ کارگەهێن تابەتمەند ب ڤێ یەکێ.
