کەچەک هندی ب سەی رە دزەوجە

کەچەک هندی ب سەی رە دزەوجە

ب بەرچاڤوەرگرتنا هژمارا گەلێ هندوستانێ و هەژمارا زۆر یا ئۆلان د ڤی ولاتی دە، باوەرێن هەری سەیر ل جەم هنەک ژ گەلێ ڤی ولاتی هەنە، هنەک جاران ئەم ب هنەک خەبەرێن وەها سەیر ل ڤی ولاتی دە رووبروو دبین کو عەقل ب ت ئاوا نکارە قەبوول بکە، دبە خەبەرێ زەوجینا کەچەک ١٨ سالی ل ڤی ولاتی ب سەگەک بێ خوەدی رە ژ بوو خەلاس بوون ژ تەلیسما ئەهریمەنی و دیتنا هەڤژینەک باش ژی خەبەرەکە دن بە ژ ڤان خەبەرێن سەیر یێن ل هندوستانێ روو ددن.

مانگلی مۆندا، کەچا ١٨ سالی کو د گوندەکی ولاتێ هندوستانێ ئێ ب ناڤێ جارکلەند ل ویلایەتا جخند ئێ هندوستانێ ژیان دکە پاش کو د ناڤا گەل دە بەرنیاس دبە کو ئەو هاتیە نەفرین کرن و زەوجینا وێ ب هەر زەلامەکێ وێ ببە سەدەما مرنا وی زەلامی، ب سەیەک بەرەلا رە زەوجی.

کەچا ١٨ سالی ژ بوو دەستخستنا شانسەک دن و دیتنا شازادەیێ خەونێن خوە شوو ب سەیەک بێ خوە خوەدی دکە. مالباتا وێ ل سەر وێ باوەرێ نە کەچا وان هاتیە نەفرین کرن و باشترین رێ ژ بوو ژناڤبرنا وێ نەفرینێ شووکرنا وێ ب سەیەکێ رە یە.

گەلێ گوندێ ڤێ کەچێ ل سەر وگەلێ گوندێ ڤێ کەچێ ل سەر وێ باوەرێ نە کو باشترە کەچ یەکەم جار شوو ب سەیەکێ رە بکن داکو ژ هەر گونەهەکێ بهێن پاکژ کرن و پاشان ب زەلامەکێ رە بزەوجن.

دایکا ڤێ کەچی دبێژە وان پەرەیەک زێدە ژ بوو ئەنجامدانا ڤێ زەواجێ خەرج کرینە. ل گۆرەی باوەرا گەل ل ڤێ ناڤچەیێ ئەڤ یەک باشترین رێ یە ژ بوو خوە خەلاس کرنێ ژ بێ شەنسی یێ.

مانگی مۆندا دبێژە ئەز ب باوەرم کو وێ رۆژەک وەرە زەلامەک باش پەیدا ببە و من ژ خوە رە بخوازە. هەموو کەچان ئەڤ هێڤیە هەیە کو رۆژەکێ ژ رۆژان ب پەرەنسەکێ رە بزەوجن. ئەو ب ت ئاوا ب شوو کرن ب ڤی سەی رە رازی نینە لێ بەلێ ئەو تەسلیمی باوەرێن شاش یێن عەشیرەتا خوە بوویە.