ئه‌رێ هوون باوه‌ر دكه‌ن كو 6 وه‌زیفه‌ ل پاشه‌رۆژه‌كا گه‌له‌ك نێزیك نامینن، هنه‌ك ژ وان گه‌له‌ك ب ناڤ و ده‌نگن، وه‌كه‌ وه‌زیفا مامۆستایێ و په‌یامنێرێن رۆژنامه‌ڤانی.

ل گۆر راپۆره‌كێ كو ل پێگه‌ها «هافینگتون پۆست» هاتییه‌ وه‌شاندن، 50% ژ وه‌زیفه‌یێن نها هه‌یی و مرۆڤ دكن، ل پاشه‌رۆژێ نامینن و سه‌ده‌م ژ بۆ وێ پێشكه‌تنا ته‌كنۆلۆژی یا بله‌ز ڤه‌دگه‌ره‌ كو ل جیهانێ تێ ژیان كرن، ئه‌ڤ پێشكه‌تنه‌ وێ هه‌ژماره‌كه‌ هه‌ری زۆر یا وه‌زیفه‌یێن دیار و ناسیار بێ باندۆر بكه‌، به‌لكو گه‌له‌ك ژ وان نامینن.

وێ راپۆرێ ده‌ست نیشان، ب ته‌ڤاهی گوهه‌رینێن بنگه‌هین وێ د بازاران ده‌ چێببن‌ و ئه‌ڤ گوهه‌رین وێ باندۆره‌كه‌ مه‌زن ل ئاوایێ كار و وه‌زیفه‌یان بكه‌، لێ به‌لێ ئه‌ڤ 6 وه‌زیفه‌یێن هه‌ری دیار ژ 2030ێ و هه‌یا 20 سالێن دن وێ ب ته‌مامی به‌رزه‌ ببن ئه‌و ژی ئه‌ڤن:

• پیلۆت:

ژ به‌ر پێشكه‌تنا ته‌كنۆلۆجیایێ پرانییا باله‌فرێن ڤه‌گوهاستنا رێڤینگان وێ ب ئۆتۆ پیلۆت حه‌ره‌كه‌تێ كن، له‌ورا رۆلا پیلۆتان ب وێ قه‌ده‌را نها هه‌یی نامینه‌.

• په‌یامنێرێن رۆژنامه‌ڤانی:

راپۆرا پێگه‌ها «هافینگتون پۆست» پێشبینی دكه‌، ئه‌پێن مۆبایلان ل پاشه‌رۆژێ وێ ب وێ ئه‌ركێ رابن و پێویستی ب په‌یامنێران نابه‌.

• ئه‌ندازیار تێهنێ:

راپۆر پێشبینیێ دكه‌ كو ل پاشه‌رۆژێ شركه‌تێن تێهنێ وێ نه‌چار بمینن پابه‌ندی رێنمایێن ژینگه‌هـ پارێزیێ ببن، له‌ورا وێ پێویستییا وان ب وه‌زیفا ئه‌ندازیارییا تێهنێ كێم ببه‌.

• پۆست گهاندن:

وه‌زیفا پۆست‌ گهاندنێ ب سه‌ده‌ما به‌لاڤبوونا ئه‌ره‌به‌یێن بێ شۆفێر و باله‌فرێن درۆن ل پاشه‌رۆژێ ئێدێ پشت به‌ستنێ ل سه‌ر مرۆڤان ناكه‌.

• مامۆستا:

فێركارییا ب هه‌روه‌ ل سه‌ر ئێنته‌رنێتێ و ئۆنلاین وێ جیێ مامۆستایان بگره‌.

• بریكارێن گه‌شتكرنێ:

ل پاشه‌رۆژێ مرۆڤ ئێدێ وێ ب رێیا پێگه‌هێن ئێنته‌رنێتێ وێ بكاره‌ هه‌موو خزمه‌تێن پێویست ژ بۆ گه‌شتكرنێ ب ده‌ست بخه‌.