چه‌كدارێن تالیبانێ ئیرۆ ل باکورێ رۆژھلاتا ئەفغانستانێ، ئێریشی قەرەقۆلەکا سه‌ربازی کر و 17 كارمه‌ندێن ئاساییشێ کوشتن.
ل گۆر داخویانیا نڤیسکی یا کو ژ وەزارەتا پاراستنا ئەفغانستانێ ھاتییه دان، چه‌كدارێن رێخستنا تالیبانێ ئیرۆ رۆژا دوشه‌می 20/4/2020ێ ئێریشی قەرەقۆلا سه‌ربازی یا ل ناڤچەیا خۆجەیێ گارا ل ویلایەتا تاھارێ کو دکەڤیتە باکورێ رۆژھلاتا ئەفغانستانێ كرییه.
ھات گۆتن کو د ئێریشێ دا 17 كارمه‌ندێن ئاساییشێ ھاتن کوشتن، 2 ژی بریندار بوون، پشتی ئێریشێ پەڤچوون چێبوون و ژ تالبانێ ژی گەلەک کەس ھاتن کوشتن.
