سهربازێن رژێمێ جارهكه دن ل ئاساییشا پهیهدێ خست
![سهربازێن رژێمێ جارهكه دن ل ئاساییشا پهیهدێ خست](https://darkamazi.net/file/2020/04/%D8%A6%D8%A7%D8%B3%D8%A7%DB%8C%DB%8C%D8%B4%D8%A7-%D9%BE%D9%87%E2%80%8C%DB%8C%D9%87%E2%80%8C%D8%AF%DB%8E.jpg)
بۆ جارا دویهمینه د ڤێ مههێ ده، هێزێن رهژیما سووریێ و چهكدارێن ئاساییشا پارتییا یهكێتییا دهمۆكراتیك پهیهدێ، ل ناڤهندا باژارێ قامشلۆیێ یێ رۆژئاڤا كوردستانێ، ل ههڤ دان.
چاڤكانیێن پێگهها «داركا مازی» ل رۆژئاڤا كوردستانێ ئهشكهره كرن، ئیرۆ رۆژا سێشهمی 21/4/2020ان، ل ناڤچهیا ب ناڤێ مهقاسم كو دكهڤه تاخا حلكۆ یێ ناڤهندا باژارێ قامشلۆ، سهربازێن رهژیما بهشار ئهسهدی و چهكدارێن ئاساییشا پهیهدێ، ل ههڤ خستن.
ههروهها دهست نیشان كرن، ئهڤ دبه جارا دویهمین د ڤێ مههێ ده شهر ل نێڤبهرا هێزێن رهژیمێ و ئاساییشا پهیهدێ دهردكهڤه، وهختا كو ل 6 ڤێ مههێ سهربازێن رهژیمێ ل خالهكا ئاساییشی خستی و چهكدارهكێ پهیهدێ كوشتی.
چاڤكانیێن «داركا مازی» دیار كرنه كو شهرێ ئیرۆ ل وێ دهمێ دهركهت وهختا كو سهربازێن رهژیما سووریێ ئێریشی خالهكا ئاساییشا پهیهدێ كری ژ بۆ كۆ بێخن ژێر كۆنترۆلا خوه.