باله‌فرێن جه‌نگ یێن ده‌وله‌تا داگیركار یا تركیێ، جاره‌كه دن ئێریشی باشوورێ كوردستانێ كرن، سینۆرێ گوندێ ب ناڤێ «بێشیلێ» هه‌ده‌ف كرییه.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره كرن، ئیرۆ رۆژا پێنجشه‌می 4/6/2020ان، باله‌فرێن جه‌نگ یێن تركیێ، د ته‌عقیبا حه‌ره‌كه‌تێن په‌كه‌كێ ده ل ناڤچه‌یا كانی ماسێ، سینۆرێ گوندێ «بێشیلێ» بۆردۆمان كرییه.
هه‌ر وها ده‌ست نیشان كرن، باله‌فران ل ده‌مژمێر 12:30ێ نیڤرۆژێ، مۆشه‌كه‌ك ل گه‌لیێ «دیرا» یێ گرێدای گوندێ «بێشیلێ» ل ناڤچه‌یا كانی ماسێ دایه، تو ئاگاهی ل ده‌ربارا هه‌بوونا زرارێن جانی نه‌هاتن ب ده‌ست خستن، لێ به‌لێ ترس ل جه‌م روونشتڤانێن گوند چێبوویه.
ژ ده‌ستپێكا ڤێ سالێ ڤه، تركیێ ئێریشێن خوه ل سه‌ر پارتییا كاركه‌رێن كوردستانێ، ل باشوور و باكورێ ولات زه‌حف كرنه، په‌كه‌كه ژ بۆ كو خوه ژ ته‌عقیبا باله‌فران بپارێزه، حه‌ره‌كه‌تێن گه‌ریلایێن خوه خستنه ناڤا گوندان ده و هه‌مولاتی ژ ڤێ هه‌نگاڤا په‌كه‌كێ پڕ دلگرانن.
