گۆشتێ مرۆڤان دخوه‌ن و ئاڤێ ب كلۆخی سه‌ری ڤه‌دخوه‌ن
هۆزا ب ناڤێ ئاگۆری، هۆزه‌كه هیندستانێ یه، رفتارێن پر عه‌جێب هه‌نه، ئه‌وان نه‌رینه‌كه دن ژ بۆ هه‌ر تشتی هه‌یه، ژبلی كو ئه‌و جوداهیێ ل ناڤبه‌را گۆشتێ مرۆڤان و یێ حه‌یوانان ناكن، ئه‌و ئاڤێ ژی ب كلۆخێن سه‌رێن مرۆڤان ڤه‌دخۆن.
ل گۆر پێگه‌ها رۆژنامه‌یا The sun، فۆتۆگرافه‌ره‌كێ پۆله‌ندی وه‌ختا كو ل ڤی داویێ گه‌شته‌ك ژ بۆی هیندستانێ كری، كاری به‌شه‌كه ژیانا پر سه‌یر و عه‌جێب یا هۆزا «ئاگۆری» دۆكیۆمه‌نت بكه.
ئه‌ڤ هۆز ل ناڤا گۆرستانان ژیانێ دكن، گۆشتێ مرۆڤان دخوه‌ن، ب مریان ره جۆت دبن، ماریوانیێ دكشینن و ب كلۆخێن سه‌رێن مرۆڤان ئاڤێ ڤه‌دخوه‌ن، ئه‌و ب ته‌ڤاهی هۆزه‌كه ڤه‌ده‌ره و ته‌نێ ئه‌و د فه‌ستیڤالا ب ناڤێ «كۆمبا» ده ده‌ردكه‌ڤن و هنه‌ك چالاكییان ل هیندستانێ ئه‌نجام ددن.
پێگه‌ها The sun به‌لاڤ كرییه كو فۆتۆگرافه‌رێ پۆله‌ندی یێ ب ناڤێ جان سكوارا، وه‌ختا كو ل هیندستانێ كاری به‌شه‌كێ ژیانا ڤێ هۆزا ب ترس دۆكیۆمه‌نت بكه، هه‌ژماره‌كا وێنه‌یان كشاندنه و تێده ئه‌شكه‌ره دبه وه‌ختا كو ئه‌و ئاڤێ ب كلۆخێ سه‌رێن مرۆڤان ڤه‌دخوه‌ن و وه‌كه ئالاڤێن ناڤا مالێ بكار تینن.
ئه‌ڤ هۆز خوه‌داوه‌ندێ هیندۆسی «شیفا» د په‌رێسن، لێ به‌لێ هه‌ر كه‌سێ ل ئاوایێ ژیانا ڤێ هۆزێ ب نه‌ره وێ ژ بۆ وی ئه‌شكه‌ره ببه كو ئه‌ڤ ره‌فتارێن ژیانا وان، ل دژی هیندۆسیه‌تێ نه.
مرۆڤێن هۆزا ئاگۆری خوه ب زاهد ددن ناس كرن، ئه‌وان ئاوایه‌كێ ژیان كرنێ هه‌یه كو مرۆڤێن وێ خوه ژ خوه‌شییان دوور دكن ژ بۆ كو ب دووڤ ئامانجێن جانی ره بگه‌رن، ئه‌ڤ هۆز نه بوت په‌رێسه، لێ به‌لێ ئه‌و ماریوانایێ دكشینن ژبۆ كو پێتر فۆكسێ بخن سه‌ر مه‌سه‌لێن جانی، ئه‌و ل جیێ سۆتنا جه‌سه‌دێن مرییان و گۆرستانان ژیانێ دكن.
ئه‌ڤ ژی هنه‌ك ژ وێنه‌یێن كو فۆتۆگرافه‌رێ پۆله‌ندی جان سكوارا كشاندین كو به‌شه‌كه ژیانا هۆزا ئاگۆری نیشان دده.
