حكوومه‌ت دێ باجێ ژ سینگلان ستینیت‌

حكوومه‌ت دێ باجێ ژ سینگلان ستینیت‌

ئۆلداره‌كێ ئیرانێ پێشنیازه‌كه‌ عه‌جێب ژ بۆ جوانێن ولاتێ خوه‌ دكه‌، ئه‌و دبێژه‌: «هوون ب كێفا خوه‌نه‌، بزه‌وجن یان سینگل بمینن، لێ به‌لێ وێ باجێ بدن حكوومه‌تێ».

ل دو رۆژێن رابووری ئۆلداره‌كی ئیرانی ل ته‌هرانێ ب ناڤێ محه‌مه‌د ئدریسی، پێشنیاز كر كو پێویسته‌ هه‌ر كه‌سێ گهیشت ته‌مه‌نا 28 سالیێ و نه‌زه‌وجی به‌‌، پێویسته‌ په‌ره‌یان وه‌كه‌ باج بده‌ حكوومه‌تێ، ئه‌ڤ باج پێویسته‌ 25% یا داهاتا وی جوانی به‌.

ل گۆر رادیۆیا فه‌ردا كو وه‌شانا خوه‌ ژ ولاتێ چیكێ دكه‌، ئه‌ڤێ پێشنیازا محه‌مه‌د ئدریسی، كارڤه‌دانێن هه‌ری دژوار ل ناڤا گه‌لێ ئیرانی ل پاش خوه‌ ئانی یه‌.

هه‌روها ده‌ست نیشان كر، محه‌مه‌د ئدریسی ئه‌ڤ پێشنیاز ب فه‌رمی ژ بۆ ئه‌نجومه‌نا شورایا ئیرانێ شاندییه‌ ژ بۆ كو نیقاش ل سه‌ر بێ كرن.

سه‌رانێن ره‌ژیما ئیرانێ و ل پێشییا وان ئایته‌وللایێ خامنه‌یی، ب به‌رده‌وامی هانا جوانێن ولاتێ خوه‌ ژ بۆ زه‌وجینێ دكن، لێ به‌لێ ب سه‌ده‌ما ره‌وشا ئابوورییا خه‌راب، زه‌وجینا جوانان ل ئیرانێ ب رێژه‌یه‌كه‌ به‌رز پاشده‌ زڤرییه‌.

پوستێن ھەمان بەش