سپایێ پاسدارێن ئیرانێ ب هیجەتا ئەنجامدانا ئۆپەراسیۆنەکە سەربازی ل سەر سینۆرێن هەرێما باشوورێ کوردستانێ، دەست ب ڤەگوهاستنا ئالاڤ و چەکێن گران و تۆپخانەیان کریە.
پێگەها فەرمی یا پارتیا دەمۆکرات ئا کوردستانێ – ئیران «کوردستان و کورد» ئیرۆ رۆژا یەکشەمی 14/6/2020ان د راپۆرەکێ دە ئەشکەرە کر «هیزێن سپایێ پاسداران د سینۆرێ “کێلەشینێ” ئا سەر ب باژارۆکێ شنۆ و هەر وەها سینۆرێ باژارێ بانە دەست ب ڤەگوهاستنا چەکێن گران وەکە تۆپ، کاتیۆشا و چەندین جورەیێن دن ئێن چەکێن گران کریە».
ل گۆرەی ڤێ راپۆرێ د سالێن رابووری دە چەندین جاران هێزێن سەر ب سپایێ پاسدارێن ئیرانێ ڤە ب هیجەتا ئەنجام دایینا ئۆپەراسیۆنێن لەشکری ل سینۆرێن باشوورێ کوردستانێ دەست ب ئاڤاکرنا قەرەقۆلێن نوو کریە و هەرتم ڤان قەرەقۆلێن نوو یێن لەشکری ب چەکێن نوو و پێشکەتی پڕ چەک دکە.
