ل گوندێ کوچووکایا ئارتووکلوو ئێ سەر ب باژارێ مێردینێ ل باکورێ کوردستانێ، ژ بەر کو حکوومەتێ ئەلەکتریک بری و وەلاتیان نەکاری ژ بۆ حەیوانێن خوە ئاڤێ پەیدا بکن، حەیوانێن وان یەک ب یەک دمرن.
حکوومەتێ ئەڤ دەمەک درێژە، جەیرانا گەلەک گوند و ھەرێمێن گرێدایی ناڤچەیێن دێرک و قۆسەرێ یێن مێردینێ بریە، ڤێ جارێ ژی، جەیرانا گوندێ کوچووکایا ناڤچەیا ئارتووکلوو بری.
ژ بەر کو حکوومەتێ ئەڤ نێزی ١٥ رۆژانە جەیران بریە، پۆمپەیێن ئاڤێ یێن ل گوندان ب جەیرانێ دخەبتن ژی، ئێدی ناین خەبتین. وەلاتی ژ بەر پێڤاژۆیا ڤیرووسا کۆرۆنایێ (کۆڤید-١٩) و تونەبوونا ئاڤێ رۆژێن زۆر و زەھمەت دەرباس دکن. وەلاتی نکارن پاقژیا خوە بکن و ژ بۆ حەیوانێن خوە ئاڤێ پەیدا بکن.
ژ بەر بێ ئاڤییێ کەزەبا مھان خراب بوویە و مرنە. هەرچەند کو تو دەینێ گوندیان تونەیە ژی، لێ ئاڤا وان هاتیە برین. ئەڤ د دەمەکی دە یە کو ل ڤان گوندان ژ بلی جۆتکاری و سەوالکاریێ تو کارەکێ کو شێنی بکارن بکن تونەیە.