پرانییا قادرۆ و رێڤەبەرێن پژاكێ پشتی کو د ڤێ فێلا پەکەکێ یا ب ناڤێ پژاكێ گهشتی ژ پەکەکێ و پژاكێ ڤەقەتیانە

مه‌جید كه‌یوان ب كۆد ناڤێ «سمکۆ سه‌رهلدان» خەلکێ بانە یا رۆژھلاتێ کوردستانێ یە، ئەو د سالێن 2000ان دا تەڤلی پەکەکێ ببوو، کەسەکی دلسۆز و چالاک و ماندو نەناس بوو، دلسۆزێ کوردستانێ بوو، ب کەسەکی فەداکار و ولاتپارێز دھات ناس کرن، ل باکورێ کوردستانێ ب سالێن دەم درێژ مایە و ھەیا ویلایه‌تا بەحرا رەش ژی پراکتیکا گەریلاتیێ مەشاندییە.

ل سالا 2010 و 2011ان دە ژ بال پەکەکێ ڤە ئەو ب کەسەکی گونجای ھاتە دیتن کو ئەرکداری باسکی چەکداری یێ پژاکێ HRK بکن، پشتی پەروەردەیەکێ، بوو بەرپرسێ HRKێ.

دەما شەرێ ب پیلان ئێ سالا 2011ان ل قەندیلێ دەست پێ کری کو ب شەرێ «زیرێ جاسۆسان» هات ناڤ کرن، سمکۆ تێ شەهید کرن، ئەڤ شەر ب پیلانەکێ د ناڤبەرا پەکەکێ و ئیرانێ دا هاتە دەست پێ کرن و ب دوماهی ئینان، ل وێ دەمێ هەڤدیتنێن د ناڤبەرا ئیرانێ و پەکەکێ دا دهاتن ساز کرن، رزا ئالتون و دەمهات عەگید کو نوونەرێن پەکەکێ بوون وەکە نوونەرێن پەکەکێ دگەل ئیرانێ جڤییان.

ب هەڤدیتنێن پەکەکێ و ئیرانێ ئاگربەست هات پێکئانین، ئەڤ ئاگربەست ژ بۆ وێ یەکێ بوو کو پەکەکە بکارە سینۆرێن ئیرانێ «سینۆرێن رۆژهلاتێ کوردستانێ» ب کار بینە داکو بگەهە رۆژئاڤا کوردستانێ.

پەکەکێ گر ب گر یەک ل دووڤ یەک تەسلیمی ئیرانێ کرن

د ڤان هەڤدیتن و جڤینان دە، چیایێ قەندیلێ کو ب سەدان سالان ببوو جهێ شەرڤانێن کوردان و ستارگەهەک ژ بۆ گەلێ کورد ب گشتی و د دیرۆکێ دە ژی تو جاران دوژمنێن کوردان نەکارینە ل وێ دەرێ بسەرکەڤن و داگیر بکن، لێ بەلێ ب تەنێ داکو پەکەکە بگەهە رۆژئاڤا، ڤی چیا کو ژ کۆمەک رێزە چیایان پێک تێ تەسلیمی ئیرانێ دکەت، داکو ئیران ژی ئاگربەستێ دگەل وان راگهینیت و پەکەکە بکاریت سینۆرێ رۆژهەلاتێ کوردستانێ بکار بینە داکو دەرباسی رۆژئاڤا ببە.

پشتی ئاگربەستێ، پەکەکێ بەرە بەرە سەرانسەری چیایێ قەندیلێ تەسلیمی ئیرانێ کرن، ئەڤ رێزە چیایە ل ژێر چاڤدێری و بەرپرساتییا فەرماندارەکی پەکەکێ کو نێزیکی جەمیل باییک بوو ب ناڤێ «جەگەر» کو خەلکێ هەرێما خەرزا «گارزان» ئا باکورێ کوردستانێ یە هاتن تەسلیم کرن و هەر وها ب رێکا جەگەر پەکەکێ کۆنترۆل ل سەر وان گەریلایان دکر کو نەرازی بوون ژ ڤێ ئاگربەستێ و تەسلیم کرنا ڤان ناڤچەیان، داوی قۆناغین تەسلیم کرنا ڤان ناڤچەیان ل سالا 2015ان و 2016ان ب داوی بوو، پەکەکێ گر ب گر یەک ل دووڤ یەک تەسلیمی ئیرانێ کرن.

هەژمارەک زێدە ژ گەریلایان ژ ڤێ یەکێ نەرازی و غەیدی بوون، ب تایبەتی نه‌رازیبوونا وان ل سەر تەسلیم کرنا وێ تەپەیێ «گر» بوو کو شەر ب ناڤێ وێ تەپەیێ هاتبوو ناڤ کرن و هەژمارەک زێدە ژ گەریلایان تێدە شەهید ببوون، ڤێ یەکێ گەریلایێن رۆژهلاتێ کوردستانێ پڕ نەرازی کرن.

دەما پەکەکێ ئەڤ گر تەسلیمی کری، گەریلایەکێ رۆژهلات ژ بۆ پرۆتەستۆ کرنا پەکەکێ خوە شەوتاند

دەما پەکەکێ ئەڤ تەپە تەسلیمی ئیرانێ کری، گەریلایەکێ خەلکێ رۆژهلاتێ کوردستانێ وەکە بەرتەک نیشاندان و ژ بۆ پرۆتەستۆ کرنا رێڤەبەرییا پەکەکێ خوە شەوتاند.

 هەژمارەک زێدە ژ گەریلایێن رۆژهەلات ژ پەکەکێ قوت بوون، پەکەکێ خواست ڤێ بوویەرێ ژی وەکە بوویەرێن دن ب ڤەشێرە و سەرێ وێ قەپات بکەت، ژ بۆ قەپات کرن و ڤەشارتنا ڤێ یەکێ پەکەکێ بوویەرێن روودای ب مەسەلەیەک «شاشتی» ب ناڤ کر، ئانکو وان گۆت کو شاشتییەک هاتییە ئەنجام دان!.

جه‌میل باییك: مسته‌فا كاراسۆ گرێ جاسۆسان ته‌سلیم كر

جەمیل باییک گۆت: ئەز هایداری ڤێ یەکێ نینم و تو کار من ئەنجام نەدانە، گۆت مە مستەفا کاراسۆ رێ کرییە هەڤدیتنان، لێ بەلێ ژ بەر کو کاراسۆ تشتا زۆ ژ بیر دکە، ئەڤ تشتە ژی ژ بیر کربوو و تەپەیا جاسۆسان ژی دا دەست ئیرانێ! ئانکو مژارەک ب ڤێ هەستیاری و گرینگیێ کو تێدە چەندین گەریلا شەهید بوون و چەندین ناڤچەیێن گرینگ تەسلیمی ئیرانێ کرن و خوە شەوتاندنا گەریلایان ژی کر مەسەلەک کو کاراسۆ ژبیر کرییە ل ڤێ تەپەیێ ئەوقاس گەریلا شەهید بوونە و ل جەم گەریلایان ئەڤ تەپە ئەو قاس پیرۆز و گرینگە! گەلۆ دبە خوینا وان گەریلایان چ قاس بێ بها بە کو کاراسۆ ژ بیر بکە؟!

 بەلێ، پەکەکێ تەپە و چیایێن بلند تەسلیمی ئیرانێ کرن، د دەما ب رێڤەچوونا پێڤاژۆ یا تەسلیم کرنێ دە ژی جارنا هەر دو ئالی «پەکەکە و ئیران» دەمەکی ب هەڤرە د وان تەپەیان دە د مان، ئا نها ریزە چیایێ قەندیلێ هەموو د دەستێ پاسدار و جاشێن ئیرانێ دا یە و ب تەنێ ئالیێ قراخێ قەندیلێ گوندێن باشوور د بن کۆنترۆلا پەکەکێ دا نە، نە ب تەنێ گەریلا بەلکو هەژمارەک زیدە ژ گەلێ ڤێ ناڤچەیێ ژی ب ڤێ مژارێ نەرحەت و نەرازی بوون، دەما هەر گەریلایەکێ نەرازیبوونا خوە دیار کربا ژی دا ژ لایێ قادرۆیەکێن نێزی کەجەکێ هێن بێ دەنگ کرن و ب وان رە دگۆت ئەڤ تەسلیم کرن د ئالییەکێ دە ژ بۆ مە سەرکەفتنە! دگۆت پەکەکە و سەرۆکاتی دزانە چ دکن هوون ژ سیاسەتێ فێم ناکن!

تشتێ پڕ بالکێش ژی ئەڤ بوو کو پشتی ڤێ لهەڤهاتنا د ناڤبەرا پەکەکێ و ئیرانێ ده‌، پەکەکێ رزا ئالتۆن و دەمهات عەگید وەکە بەرپرس دانان بریارگەها پژاکێ داکو وان گەریلایێن پژاكێ کو ب ڤێ بریارا پەکەکێ نەرحەت ببوون کۆنترۆل بکەن و ب دەرەوان و پەروەردێ و جڤینا وان ئیقناع بکەن، وان بریارگەها پژاكێ ب تو ئاوا ب جی نەدهیشت.

سمکۆ ب تو ئاوا هات شەهیدکرن؟

سمکۆ ژی کو د شەرێ ب ناڤێ «گرێ جاسۆسان» وەکە بەرپرس بەشداری دکر ب ڤێ لهەڤهاتنا د ناڤبەر پەکەکێ و ئیرانێ نەرحەت ببوو، ژ بەر کو سمکۆ پێتر ژ هەر کەسەک دن دزانی ئەڤ گر چ قاس ستراتەژیکە و چ قاس خوینا گەریلایان ژ بۆ پاراستنا وێ هاتییە رێشتن، سمکۆ نەرحەت بوو و دگۆت: «سیاسەت ل سەر خوینا ڤان شەهیدان هاتییە کرن»، پاشان رێڤەبەرێن پەکەکێ دزانن سمکۆ نەرازی یە.

د وان رۆژێن کو شەر بەر ب داویێ دچوو ب ئاوایەک پڕ سەیر و عەجێب جهێ سمکۆ تێ کەشف کرن و ل ور لێ ددن و شەهید تێخن.

سمکۆ کۆردیناتێ شەر بوو، ئەو ل نێزی هەڤالێن کۆردیناتێن شەر دما و نە ل سەنگەرێن پێشیێ بوو، لێ د دەما هەڤدیتنێن د ناڤبەرا پەکەکێ و ئیستخباراتا ئیرانێ «ئیتیلاعاتێ» دا ب ئاوایەک پڕ گۆمان جهێ سمکۆ تێ کەشف کرن و پاشان شەهید دکن.

تشتا کو ڤێ گۆمانێ پڕ زێدەتر دکە ئەڤە کو پشتی شەهید کەتنا سمکۆ ب دەمەک کورت ئاگربەست تێ راگهاندن و شەرب داوی دبە.

تربا سمکۆ ل گوندێ «مارەدۆ» ل قەندیلێ تێ چێکرن، پەکەکێ تربا شەهید سمکۆ ژ هەموو تربێن دن بلندتر و مەزنتر چێکر و چەکا وی ژی ل گەل تربا وی دانا، ئەڤ یەک ژ بۆ گەلەک قادرۆ و شەرڤانان پڕ سەیر و عەجێب بوو، لێ بریارا پارتیێ یە، تو کەس نکارە ببێژە ئەڤ چ مەسەلەیە چما تربا وی ژ هەڤالێن دن جوداترە؟!

هەر کەس باش دزانە کو کەسێن ل رۆژهلاتێ کوردستانێ تەڤلی پەکەکێ دبن ل سەر ئەساسێ نەتەوی و ئازادکرنا هەر چار پارچەیێن کوردستانێ تەڤلی دبن نە ژ بەر سیاسەتا براتییا گەلان و جڤاکا دەمۆکراتیک کو پەکەکە خەباتێ ژ بۆ دکەت، ئەو ب ناڤێ پژاكێ تەڤلی پەکەکێ دبن داکو ل همبەر رەژێما داگیرکەر یا ئیرانێ تەکۆشینا خوە پێش بێخن، لێ بەلێ دەما کو تەڤلی پژاكێ دبن و دبینن ئەڤ سەفستەیا پژاكێ دەرەوە و پژاك هیدی هێدی وان د بن پەروەردێ دا دەرباس دکە و ب ترسێ وان دشینە ئامەد، بۆتان، دێرسمێ و ساحەیێن دن یێن شەرێ باکور، دەما ئەڤ شەرڤانێن رۆژهلاتێ کوردستانێ خوە ل ڤان ناڤچەیان دبینن ب نەچاری تەڤلی کار و خەباتێ دبن، ئێدی ئەو فام دکن تو جیسەک نینە ئەو بچنێ و خوە رادەستی ترکیێ ژی ناکن ژ بەر کو باش دزانن ترک چ زالمن، تو فەرقا ترکێن فاشیست و ئیرانیێن فاشیت نینە.

هەیا نها هنەک کەس ئیستیسنا نەبن، پرانییا قادرۆ و رێڤەبەرێن پژاكێ پشتی کو د ڤێ فێلا پەکەکێ یا ب ناڤێ پژاكێ گهشتی ژ پەکەکێ و پژاكێ ڤەقەتیانە.