ئەنجوومەنا ئه‌وله‌هییا نه‌ته‌وه‌یی ئا ئيراقێ ئێریشێن ترکیێ ل سەر ناڤەچەیێن باشوورێ کوردستانێ پرۆته‌ستۆ کر و ب گەفەک مەزن ب ناڤ کر.
ئەنجوومەنا ئه‌وله‌هییا نه‌ته‌وه‌یی ئا ئيراقێ جڤیيا و دەستدرێژیيا ل سەر خاکا ئيراقێ ژ بال ترکیێ ڤە و شەھیدکرنا فەرماندارێن له‌شكری ب بنپێکرنێن ئاشکەرە ل دژی بنەمایێن ناڤدەولەتی و گەفەکە مەزن ل سەر ئه‌وله‌هییا نه‌ته‌وه‌یی ئا ئيراقێ و ئارامیيا ناڤچەیێ ب ناڤ کر.
ئەنجوومەنا ئه‌وله‌هییا نه‌ته‌وه‌یی ئا ئيراقێ ھەر وھا تەکەزی ل سەر گرتنا ھەموو رێکارێن دیپلۆماسی کر، ژ بۆ پاراستنا ئه‌وله‌هییا ولات و سەلامەتیيا شێنییان.
رۆژا 11 تەباخێ باله‌فره‌كه بێ پیلۆت ئا ترکیێ ئه‌ره‌به‌یه‌كه ھێزێن پاسەوانێن سینۆرێن ئيراقێ ل سیدەکانێ هه‌ده‌ف کر و د ئەنجامێ دە فەرماندارێ ھێزا 3 و فەرماندارێ لیوایا 2 و عه‌سكه‌ره‌كێ دن شەھید كه‌تن.
د درێژاھیيا کارڤەدانان دە ژی، دوھی وەزارەتا دەرڤەیا ئيراقێ بانگی بالیۆزێ ترکیێ یێ ل بەغدایێ فاتح یلدز کر و یادەشتنامەیەکە نەرازیبوونێ رادەستی وی کر.
د یادەشتنامەیێ دە بنپێکرنێن بەردەوامێن ئارته‌شا ترکیێ و ژ وان ژی ئێریشا داویێ یا ل سیدەکان شەرمەزار کر.
