شۆفێرێ ئامبولانسێ دەستدرێژی ل سەر کەچەک ١٩ سالی یا تووشبوویا کۆرۆنایێ کر

شۆفێرێ ئامبولانسێ دەستدرێژی ل سەر کەچەک ١٩ سالی یا ب کۆرۆنایێ کەتی کر

کەچەکا ١٩-سالی ل ھندستانێ کو تووشی ڤیروسا کۆرۆنا بووبوو ژ لایێ شۆفێرێ ئامبولانسێ ڤە دەما کو دچوو نەخوەشخانێ راستی دەستدرێژیێ ھات.

میدیایێن هندوستانێ ئاشکرا کر کو شۆفێرێ ئامبولانسێ یێ ٢٧-سالی ل هەرێما “پاتھاناماتتایا کارالا” دەما کو کەچەکا تووشی کۆرۆنایێ بووی دبرە نەخوەشخانەیێ د رێ دا دەست درێژی ل سەر وێ کر.

پۆلیسێ ھەرێمێ دیار کرن کو شۆفێرێ ئامبولانسێ کەسەک خوەدی پاشخانەک خەراب بوو و گەلەک جاران گلی ل وی ھاتبوو کرن و دەما کو ئەو وەکی شۆفێری ئامبولانسێ ھاتیە دامەزراندن، وی شاهدییا رەفتارا باش و نەبوونا پاشخانەک خەراب پشێکێش نەرکبوو.

رۆژنامەیا “بنگلۆر میرۆر” راگەھاند کو شۆفێرێ ئامبولانسێ دەمژمێر 10ی شەڤا پێنجشەمی، 5/9/2020ان چووبوو هەرێمەکا دوورە دەست و ئالاڤێن تەندورستی ژ نەخوەشەکێ کو کەچەکا گەنج بوو ڤەقەتاندن، و دەستدرێژی ل سەر وێ کر.

نەخوەشا کو دەستدرێژی ل سەر هاتیە کرن گۆت کو شۆفێرێ دەستدرێژکار گەف ل وێ کرینە و ژێ خوەستیە کو مژارێ ڤەشێریت، لێ دەما ئەو ژ ئامبولانسێ هاتیە خارێ وێ کارمەندێن نەخوەشخانێ ئاگەھدار کرن، و شۆفێر رۆژا دووڤ دا ھاتە دەستەسەرکرن.