دو کەچک ژ لایێ چەکدارێن ترکیێ ڤە ھاتنە رەڤاندن

دو کەچک ژ لایێ چەکدارێن ترکیێ ڤە ھاتنە رەڤاندن

چەکدارێن سەر ب ئارتێشا ترکیێ ڤە ٢ کچ ژ باژارۆکێ گرێ سپی رەڤاندن و بەر ب جھەکی نە دیار ڤە برن.

رەوانگەھا سووری یا مافێن مرۆڤان راگەهاند، ٢ کەچکان دخواست ژ حەسەکێ ب ریا گرێ سپی دەرباسی ترکیێ ببن لێ ژ لایێ چەکدارێن سەر ب ترکیێ ڤە ھاتنە رەڤاندن و تا نها ناهێتە زانین ئەو کەچک بەر ب کو دەرێ ڤە هاتینە برن.

رەوانگەھا سووری یا مافێن مرۆڤان هەر وەها ئاماژە ب وێ چەندێ دا، ناهێت زانین چەکداران ئەو ھەر دو کچ ب کوو ڤە برنە و چارەنڤیسا وان تا نها نەدیارە.

دهێتە زانین کو ئارتێشا ترکیێ و میلیشیاتێن سەر ب وێ ڤە د جۆتمەھا ٢٠١٩ێ دا ئێریشی سەر گرێ سپی و سەرێ کانیێ کرن و داگیر کرن. ژ وی دەمی تا نها ژی رێ نادەن کو کورد دەرباسی وان ھەر دو ھەرێمان ببن.