ناڤەندا میدیا و راگه‌ھاندنا هه‌په‌گێ دوھی ب داخویانییەکێ گۆت چ په‌یوه‌ندییا وان ب قەتلکرنا غازی سالح ئالیخان ڤه نینه.
داخویانیێ ب کورتی گرنگی دا ڤان گۆتنان: «تەڤگەرا مە ژ ڤێ هێرشا تاری بەرپرسیار دهێته دیتن و دهێته تاوانبار کرن، لێ په‌یوه‌ندییا ھێزێن مە ب ڤێ هێرشێ ڤه نینه، داخویانی و نووچەیێن ل سەر ڤی بنگەھی ھاتینە دان نەراستن و راستیێ نیشان ناده‌ن».
دیرۆکا په‌كه‌كێ شاھدێ ھەره مەزنە کو په‌كه‌كە راست نابێژیت
وه‌ھا دیار دبیت کو په‌كه‌كە ل بەرامبەری کوشتنا غازی سالح ل بەندا كارڤه‌ندانێن ب ڤی ره‌نگی نەبوو، ژبەر ڤێ ئه‌گه‌رێ، وان ب فه‌ر دیت کو داخویانییەکا وه‌ھا پشتی 12 رۆژان بەلاڤ بکه‌ن، لێ ڤێ داخۆیانیێ چ باوه‌ریه‌ك نینه، دیرۆکا په‌كه‌كێ شاھدێ ھەره مەزنە کو په‌كه‌كە راست نابێژیت.
په‌كه‌كێ، چ ژ کادر و چ ژی ژ خه‌لكی ب گشتی، خۆ ژ وان تاوانێن سیاسی یێن کو ئه‌نجام داین پەرپرس نابینیت، تاوانێن كو کریارێن وان نەدیار یێن په‌كه‌كێ نێزیکی تاوانێن دەولەتا تركیێ نه، ھەتا په‌كه‌كە گەلەک جاران دەولەتا ترک یان ژی کەسێن دی ب وان تاوانان سووچبار دكه‌ت ئه‌وێن د ئه‌ساس دا وێ كرین، ب ڤی رەنگی نەتنێ تاوانێن نەدیار شێلی دکەت، به‌لكو دۆسیێ ژی بەرەڤاژی دکەت.
په‌كه‌كە کادرێن خۆ یێن کو ب سالان ژبۆ وێ شەر کربوون، وان بێ چاڤ گرتن دکوژیت و پاشی ژی وان وەک شەھید رادگه‌هینیت، ئەڤ داخویانییە ژی ھێژایی په‌كه‌كێ یە.
په‌كه‌كێ 10 رۆژان پشتی کوشتنا سێ کەسان ل رێستورانتا ھۆککابازێ ل 17 تیرمەھا 2017ێ، به‌رپرسێ په‌كه‌كێ باھۆز ئەردال گۆت: «چ په‌یوه‌ندییا مه ب بوویەرێ ڤه نینه»، وەگۆت، لێ دەرکەت کو بوویەر راستەراست ل قەندیلی ھاتبوو پلان کرن.
په‌كه‌كە یا کو ھەر تشتی ژبۆ بەرژەوەندیێن خۆ یێن حزبی بکار دئینیت، چ په‌یوه‌ندییا وێ ب راستگۆیی، دلپاکی، مێرخاسی و ھەلویستێ مەبدەئی ڤه نینه، تاكه مه‌بده‌ئێ په‌كه‌كێ پاراستنا بەرژەوەندیێن رێكخستنا خۆ یە، غازی سالح ئالیخان ژ بۆ بەرژەوەندیێن پارتییا په‌كه‌كێ ھاتییە ئارمانج كرن.
بۆچی په‌كه‌كێ غازی کوشت؟
ئه‌گه‌را کو په‌كه‌كێ غازی قەتل کری ئەڤەیه، ژ بۆ بەرژەوەندیێن خۆ یێن سیاسی په‌كه‌كێ دڤییا بالكێشانه‌كێ چێبکەت، ئەو ڤی کاری ژی دگەل ئیرانێ دکەت، ژ بەر ڤێ یەکێ ئەم دبێژن کو ئەڤ تاوانا په‌كه‌كێ کری تاوانه‌كا ته‌مام سیاسی و ب هه‌ماهه‌نگی یه، ھەر چەنده په‌كه‌كه هه‌رده‌م ل دژی په‌ده‌كێ ژی بوو، لێ ئەو دژایه‌تی ژ ئادارا بۆری ژ به‌ر رێككه‌فتنا دگه‌ل ئیرانێ توندتر لێ كرییه، په‌كه‌كێ نوکە دژبه‌رییا خوه یا ل دژی په‌ده‌كێ ژ ئاستا په‌ده‌كێ دەرباس کرییە و برییه ئاستا دژایه‌تییا حکوومەتا ھەرێما کوردستانێ.
په‌كه‌كێ شەرێ خۆیێ میدیایی ل دژی کوردستانێ، كرییه شه‌رێ چه‌كداری
دەرھێنەر کرن، په‌كه‌كە ژ بھارێ و هێرڤه شەرێ خۆ یێ میدیایی ل دژی کوردستانێ، كرییه شەرێ چەکداری، نھا نە ب قەلەمشۆرێن خۆ یێن ئه‌ورۆپایێ ڤی شەری دكه‌ت، راستەراست ل تەنشتا مورات قاره‌یلان و جەمیل باییک ب سیلاحشۆران هێرشێ دکه‌ن.
دیرۆکا په‌كه‌كێ مینا دیرۆکا کوشتنێن رێزەیی یە، ژ 1978ێ و هێرڤه، دیرۆکا کوشتنا بێ ناڤبەر بەردەوام کرییە، په‌كه‌كە دەما کو دزانیت ئەو دێ تێک چیت، دەست ب تاوانان دکەت، ئەو بەرێ چەکێ خۆ یێ تاوانان ددەته سەرکەفتنێن دەرڤەیی خۆ، مرۆڤێن جڤاکی یێن ھەره بژارە، خەباتکار، قەھرەمان، وەلاتپارێز و ئه‌و رێزدارێن کو دشێن د جڤاكی دا پێشه‌نگ بن، هه‌موویان دكوژیت.
په‌كه‌كێ سیاسەتمەدار و رەوشەنبیرەکی کورد یێ کو ژ بۆ پێشەرۆژێ ھیڤی ل سه‌ر دهاتنه ئاڤاكرن، مینا «فه‌ریت ئۆزۆن» کوشتن.
په‌كه‌كێ ئێكێ وەک ناسر «فارووق بۆزکورت» کوشتن، ئەو دشییا ببیته ناپلیۆنێ کوردان، ناسر کو ژ سالا 1982ێ د ناڤ په‌كه‌كێ دا ئه‌ندامێ کۆمیتەیا ناڤەدی بوو، ل 2002ێ ب بریارا ته‌ڤاهییا رێڤه‌به‌رییا قه‌ندیلی کوشتن، پیشتی چەند سالان ئەو وەک شەھید راگه‌ھاند.
