ئهنجوومهنا ئاساییشا ههرێما باشوورێ كوردستانێ، ئیرۆ ژناڤبرنا ههژمارهكا پیلانێن تهرۆرێ كو هنهك ژێ یێن پهكهكێ نه راگههاند، ههموهخت ههژمارهكا تومهتباران دهستهسهر كرن.
راگههاندن وههایه:
هێزێن ئاساییشا ههرێما كوردستانێ، ل رۆژێن رابووری چهند هێرشێن تێكدهرانه ل ههرێما كوردستانێ ژناڤبرن و چهندین كهس دهستهسهر كرن كو پهیوهندی ل گهل گرۆپێن تیرۆرستان ههیه.
د ئهنجاما ئۆپهراسیۆنا هێزێن ئاساییشێ دا، دوو پیلان هاتنه ژناڤبرن یهك ژێ «پارتییا كاركهرێن كوردستانێ» پهكهكێ دانابوو، لێ خۆشبهختانه ب ههڤكاری و ههماههنگییا ل نێڤبهرا پۆلیس، ئاساییش و ههوالگیریێ و ههروهها دژه تیرۆرا ههرێمێ، هاتنه ژناڤبرن. هندهك ژ پیلاندارێژهرێن ڤان ههولان، پهیوهندی ل گهل خهلكێ دهرڤهی ئیراقێ و ئهورۆپا ههیه و ژ بال وان ڤه هاتبوونه ئاراسته كرن.
ئهو كهس و ئالیێن كو بریابوو ببنه ئارمانجا ڤان هێرشێن تیرۆرستی، هاتبوون ئاگههدار كرن و رێكارێن پێدڤی ژ بۆی پاراستنا دیپلۆماتكاران، خوهدیكارێن بیانی ل ههرێما كوردستانێ هاتبوون وهرگرتن.
پاش لێكۆلین و دووڤچوونا هوور، هێزێن پۆلیس و ئاساییشا ههرێمێ، چهندین كهس یێن پهیوهندی ب ڤان پیلانان ڤه ههی دهستهسهر كرن و ب رێیا پۆلیسێن نێڤدهولهتی «ئێنتهرپۆلێ» داخوازا ههماههنگی و ههڤكاریێ هاتیه كرن كو دووڤچوونا كهسێن ل دهرڤهی وهلاتی بكهن یێن دهست د ڤان پیلانان دا ههیی.
12 كهسان پهیوهندی ب پهكهكێ ڤه ههیه و هاتنه دهستهسهر كرن
د كهیسا یهكهم دا، 12 كهسێن گومانلێكری ههنه كو پهیوهندی ب پهكهكێ ڤه ههیه، ههروهها چهندین كهسێن دی دهست دگهل ههیه و ل هندهك وهلاتێن دی و ئهورۆپا ئاكنجی نه، وان پیلانا هێرش كرنا سهر كۆنسلگهرییهكێ ل ههولێرێ و تیرۆر كرنا دیپلۆماتكارێن ناڤ كۆنسلگهریێ و هێرشا سهر كۆمپانیێن وی وهلاتی ل ههرێمێ دانابوو. ههروهها ژبلی ههولێن هێرش كرنا سهر كۆمپانی و براندێن جیهانی یێن وهلاتێن رۆژئاڤایی ل ههرێما كوردستانێ. پاش چاڤدێریكرنا ڤی گرۆپی ژ ئالیێ هێزێن ئاساییشێ بۆ زێدهتری 4 مههان، شیایین گیانێ چهندین كهسان بهێته پاراستن و چهندین گومانلێكرییان دهستهسهر بكهین كو د ناڤا وان دا دوو وهلاتیێن سووری ههبوون. گومانلێكری ل گۆر ماددهیا 1 یا یاسایا 21 یا سالا 2003ێ، دێ روو ب روو دادگههێ بن.
د كهیسا دووێ دا، پاش زێدهتر ژ سالهكا دووڤچوونێ ههتا نها، 8 كهس هاتنه دهستهسهر كرن و ههموو وهلاتیێن ئیراقی نه. ئهڤی گرۆپی ههولا تیرۆركرنا پارێزگارهكێ ههرێما كوردستانێ و ئهنجامدانا چهندین كارێن توندوتیژیێ ل ههرێمێ ب گشتی و ل پارێزگهها دهۆكێ ب تایبهتی دكر. ههروهها وان پلانا هێرشا سهر دادمودهزگههێن حكوومهتا ههرێما كوردستانێ و تێكدانا ئاساییشا ههرێمێ دارێشتبوو، ل ڤان نێزیكان ئهڤ گومانلێكری دێ ل گۆر ماددهیا 1 یا یاسا 21 یا سالا 2003ێ، دێ روو ب روو دادگههێ هێنه كرن.
گرۆپهكی دهما سالهكێ ئالۆگۆرییا زانیارییان دگهل پهكهكێ دكر
گرۆپێ سێیهمین، پشتی دووڤچوون و ئۆپهراسیۆنهكا بهفرههـا دژه ههوالگیریێ بۆ دهما سالهكێ، هێزێن پۆلیسان شیان 7 گومانلێكرییان كو ههموو وهلاتیێن ئیراقی نه دهستهسهر بكهن، ئهو ل گۆر ماددهیا 1 یا یاسایا 21 یا سالا 2003ێ و ب بریارا دادگههێ هاتنه دهستهسهر كرن. دووڤچوون د بهردهوامن بۆ دهستهسهر كرنا گومانلێكریێن دی كو بهشهكن ژ تۆرهكێ كو دهما چهندین سالانه هاتییه دروست كرن بۆ كۆمكرنا زانیاریێن ههوالگیری و سهربازی ل دهربارا دامودهزگههێن حكوومهتا ههرێما كوردستانێ و بهرپرسێن وێ، ههروهها پلانا كوشتنا بهرپرسهكێ ئاست بهرز یێ ههوالگیری و دادوهرهكی دانابوو، ئهڤ گرۆپه زانیاری ل گهل هندهك لایهنان ژ وان پهكهكێ ئالۆگور كربوون.
مه حكوومهتێن بیانی و دهزگههێن ههوالگیری یێن پهیوهندیدارب ڤێ ئۆپهراسیۆنێ ڤه ب ڤان زانیاریێن كو ب دهست مه كهتین ئاگههدار كرینه.
ئهڤ ئۆپهراسیۆنه وێ چهندێ دگههینیت كو گهفهكا بهردهوام ل سهر ئاساییش و سهقامگیرییا ههرێما كوردستانێ ههیه، لێ هێزێن ئاساییشێ چالاكانه ئهركێن خوه دكهن و ب هیچ شێوهیهىكی رێكێ نادهن رهوشا ئارام و ئاساییشا ههرێما كوردستانێ بهێته تێكدان.