ژ دهستپێكا رێككهفتنا شهنگالێ یا دناڤبەرا حكوومهتا باشوورێ كوردستانێ و حكوومهتا بهغدایێ دا، پهكهكه كهتییه ناڤا ههولێن مهزن دا كو ئهڤ ریككهفتنە راستی شكهستنێ بهێت، دوماهیک ههول رێخستنا خوهنیشاندانهكێ بوو ب رێیا عهرهب و شێخ عهشیرێن دهست ل گهل تیرۆریستێن داعشێ ههیی.
دوهـی رۆژا یهكشهمی 25/10/2020ێ، پارتییا كاركهرێن كوردستانێ ب سهدان لایەنگرێن خوه یێن عهرهبێن دهست ل گهل تیرۆریستێن داعشێ ههیی و جڤات و رێكخستنێن ل ژێر سیبهرا وێ ل شهنگالێ كۆم كرن و وهكه ههرجار سلۆگانێن ل دژی حكوومهتا باشوورێ كوردستانێ بلند كرن.
د ڤێ خوهپێشاندانێ دا، پهكهكێ ههژمارهكا عهرهب و شێخ عهشیرێن عهرهب كو بهری نها ل گهل رێخستنا داعشێ بوون ل دهڤهرا شهنگالێ و ژ دهرڤهی سنۆری ژ لایێ سووریێ راكێشابوونه مهیدانا خوهپێشاندانێ و پهكهكێ ئهو وهكه گهلێ شهنگالێ ددانە ناس كرن.
پهكهكێ و ئالیگرێن خوه د ڤێ خوهپێشاندانێ دا داخویانییهك بهلاڤ كر و تێدا ئێریشی حكوومهتا باشوورێ كوردستانێ كر، خواست ژی شهنگال گرێدایی دهولهتا ئیراقێ بیت.
د داخویانیێ دا ئالیگرێن پهكهكێ خواستییه حهشدا شهعبی ل شهنگالێ بمینیت و گۆتییه كو وان بهرگری ژ شهنگالێ كرییه و رزگار كرییه، وان چ ئاماژه ب پێشمهرگهیێن باشوورێ كوردستانێ نهكرییه كو ههر كهس دزانیت تنێ پێشمهرگهی شهنگال رزگار كرییه و نه پهكهكێ و نهحهشدا شهعبی یهك گوللـه د وی شهری دا نهتهقاندنه.
ب تەنێ ب لێنێرینەکا بچووک ل سەر داخوازیێن خوەپێشاندەران دێ مرۆڤ شێت زانیت ئەڤ داخوزی و خوەپێشاندەرە ژ لایێ کێ و ژ بۆ چ مەبەست هاتینە ئاراستە کرن، ئالیگرێن پەکەکێ د داخویانیا خۆ دا ب تنێ دژاتیا هەبوونا پێشمەرگەیان ل شنگالێ کر، وان خواست کو حەشدا شەعبی کو نە ژ لایێ ئۆلی و نە ژی نەتەوی تشتەک وان ب شەنگالێ ڤە گرێ نادەت بمینن لێ بەلێ نەخواست پێشمەرگە بچن شنگالێ، هەرچەند ئەڤ یەک وەکە رۆژێ ئاشکەرایە کو پێشمەرگەیان شنگال ئازاد کریە، ئەڤ داخوازیێن خوەپێشاندەران کو لایەنگرێن پەکەکێ بوون ب خوە بەلگەیەک ب هێزە کو پەکەکەیە ڤان خوەپیشاندانا ساز دکەت و داخوازێن خوە یێن حزبی ل سەر ناڤێ گەلێ شنگالێ بەیان دکەت.
پەکەکە ل ئالیەکێ د چاپەمەنیا خوە دا ل سەر ناڤێ گەلێ شنگالێ خواستەکێن خوە یێن حزبی وەکە داخوازیێن گەلێ شنگالێ نیشان ددەت و ژ ئالیەکێ دی ژی هیچ کێشەیەک دگەل هاتنا لەشکەرێن ئیراقێ نینە و ب تنێ دژاتیا هەبوونا پێشمەرگەیان دکەت و وەها ددەتە دیارکرن کو حکوومەتا هەرێما کوردستانێ ل دژی بەرژەوەندیێن گەلێ شنگالێ تەڤ دگەریت و حکوومەتا ئیراقێ گەلەک باشترە ژ حکوومەتا هەرێما کوردستانێ ژ بۆ گەلێ ئێزدی و هەرێما شنگالێ.
ئەڤ یەک د دەمەکی دا یە کو قاسم شەشو فەرماندارێ هێزێن پێشمەرگە ل چیایێ شنگالێ پێش نها د داخویانیەکێ دا ژ بۆ رایا گشتی راگهاندبوو پێتری 90% ژ گەلێ شنگالێ ل سەر وێ باوەرێ نە کو رێکەفتنا دناڤبەرا هەولێرێ و بەغدایێ د بەرژەوەندیا شەنگالێ و گەلێ وێ دا یە و دخوازن د دەمەک نێزیک دا ئەڤ رێکەفتنە بهێتە جیبجیکرن.