دێ ئەندامێن پەکەکێ خەمگین بن، لێ بەلێ! …

دێ ئەندامێن پەکەکێ خەمگین بن، لێ بەلێ! ...

دژمناتیا پەکەکێ یا ل دژی حکوومەتا ھەرێما کوردستانێ و شریکاتییا وێ دگەل پەنجەشێرا رۆژھلاتا ناڤین ئیرانێ، باندۆرەک نەرێنی ل سەر چارەنووسا کوردان دکەت. عەبدولا ئۆجالان ل گەل ترکیێ، پەکەکە ژی ل گەل ئیرانێ کەتنە ناڤا شریکاتی و ھەڤکارییەکێ ئەڤ چەندە دێ باندۆرێ ل هەموو سەدسالا کوردان کەت. نەخشەرێیا پەکەکێ یا ھەلوەشاندنا حکوومەتا ھەرێما کوردستانێ بەشەک ژ نەخشەیەکا ب ڤی رەنگی ستراتەژیکە.

گەر ئەم سیاسەتا کو پەکەکێ ژ مێژە یە ب رێڤەدبەت ل لایەکێ بھێلن و تەنێ بوویەرێن ھەیی بنرخینین، ئەم دکارین وێنەیا ڤێ پلانێ د ھاڤینا ٢٠٢٠ ێ دا ببینین. پەکەکە، ھەول ددەت کو، گۆتووبێژێن یەکیتیا رۆژئاڤا ژناڤ ببەت. خابەتێن پەکەکێ ژ بۆ دەڤەرا زینی وەرتێ کو ل گۆری بەرژەوەندیا دەولەتا ئیرانێ دیزاین دکەت و ئەڤە ٤٠ سالە دەڤەرێن دبن کۆنتۆرۆلا پەکەکێێ دا وەکو حەفتەنین و سەرانسەری سینۆرێ مەتینا ب گشتی ژ بۆ ترکیێ بجیهـ هێلان، ئەڤە بەشک ژ وێ نەخشەرێیا ستراتەژی یا پەکەکێ نە. د مەھا بۆری دا، رێڤەبەرێ ئاساییشا گشتی یا سەرێزێری تیرۆر کر، شەنگال ژ بۆ ئێرشێن دەولەتا ترکیێ ب شریکێن خوە حەشدا شەعبی را ڤەکر، ئێریشەک ل سەر شاندێن دیبلۆپاسی ل هەڤلێرێ ئامادە دکر، و د دوماهیێ دا ژێدەرا دەبارا ژیانا گەلێ کوردستانێ بۆریا نەفتێ تەقاندن؛ لایەنێ چالاکڤانی یا ستراتیژی یا پەکەکێ تەمام دکر.

پەکەکێ بێی کو خوە بسپێریت ئێک ژ ھێزێن داگیرکەرێن ل ھەرێمێ گاڤەک ژی نە هاڤێتییە

گەر ئەم ڤان بوویەران ھەموویان ئێک ب ئێک بنرخینین، تشتەک د بەرژەوەندیا کوردان دا نینە. لێ ئەڤە نیشان ددەن کو پەکەکە د ناڤ پلانەک پر کوور و خەتەر دایە. دهێتە زانین کو پەکەکێ بێی کو خوە بسپێریت ئێک ژ ھێزێن داگیرکەرێن ل ھەرێمێ گاڤەک ژی نە هاڤێتییە و نەشێت ژی پاڤێژیت. ئان د ھەموو پلانان دا خوە دسپێریت ئیرانێ ئان ژی ترکیێ. هندەک جاران کو شەری ل دژی ترکیێ ژی دکەت، لێ ئەڤە راستییا وێ نادەتە گوهەرین. پەکەکە، بێی وەرگرتنا دەستیریێ ژ ئیستیخباراتا دەولەتا ئیرانێ، ئیتیلاعاتێ، نەشێت یەک سانتیمەتر ژی حەرەکەتێ بکەت، لێ ڤێ جارێ پیچەکێ جوودایە. مینا ئەردۆگان و ھەمی ھێزێن زۆردەست ئەو ژی وندا دکەن، ئەو ھەمی کەڤران د ناڤا کراسێ خوە دا د هاڤێژیت، چ تشتێ کو ھەیە سەرف دکەت و دهاڤێژیت. سەدەما کو ئەو هندە ب چاڤ سۆری ئێریشا دکەت ئەڤەیە کو دخوازیت خوە ژ ژناڤچوونێ دوور بکەت. شرۆڤەکرنا ئێرشێن پەکەکێ یێن ژ بۆ ھەلوەشاندنا حکوومەتا ھەرێما کوردستانێ وەکی جووداھیێن سیاسی، تشتەکێ گەلەک خەلەتە. یا راست ئەڤەیە کو پەکەکە دگەل ئیستیخباراتا ئیرانێ دا، ل گەل شیعەیێن ئیراقێ و دەردۆرەکا دیار ئێریشی ھەرێما کوردستانێ دکەن، دڤێت رەوشەنبیر و ھونەرمەندێن کورد بێژن ڤێ خیانەتێ راوەستینن. ئەڤ پلانە ب گۆتنا کو خەلەتیێن حکوومەتا ھەرێما کوردستانێ ھەنە لەوما ئەڤە چێدبن ڤە ناهێتە شرۆڤە کرن. داگیرکەر دخوازن لۆزانا نوو بئافرینن و کوردستانێ ژ نوو ڤە پارڤە بکەن. د ڤێ چارچۆڤێ دا، ئەو دخوازن ستاتویا حکوومەتا ھەرێما کوردستانێ، یا کو بتەنێ سازییا سیاسی یا کوردانە، کو ل گۆری پیڤانێن ناڤنەتەوەیی دهێتە قەبوول کرن،  ژناڤ ببەن. گەر ستاتویا ھەرێما کوردستانێ ھەلوەشییا کوردا چ نوونەرێن مەشروع نامینن. ئەو ژی ژ بۆ ڤێ پلانێ پەکەکێ وەکو دارەک ل دژی کوردان بکار تینن، مینا کوردێن کو ل لۆزانێ بکار ئینای.

پەکەکە هێزەکە کو هەردەم د گەل ھێزێن نەدییار هەڤتەریب تەڤدگەریت

پەکەکە هێزەکە کو هەردەم د گەل ھێزێن نەدییار هەڤتەریب تەڤدگەریت. ژ بەر ڤێ سەدەمێ، ئەو ب تەنا سەرێ خوە ل دژی کەسێ شەری ناکەت. ل پشت شەرێن کو پەکەکێ د سالێن ١٩٩٠ێ دا ل دژی ھێزێن باشوورێ کوردستانێ ئەنجامدای، رۆژەڤ و ئەجیندایێن ئیستیخباراتا ئیرانێ هەبوون. ھەر چەند پەکەکێ ھەمی ئەنەرژیا خوە ل سەر ڤێ یەکێ خەرج کربیت ژی، ئەو سەرفراز نەبوویە. هەرچەند ل سالێن دوهەزارێ دا پارتی ب گەلەک رەنگان هاریکاریا پەکەکێ کریە ژی لێ دگەل ڤێ چەندێ، پەکەکێ ژ لایەکێ ڤە مفا ژ ڤان هاریکارییان وەرگرت، و ژ لایەکێ دی ڤە ل دژی حکوومەتا هەرێمێ و پارتی کار کر. ب تایبەتی پشتی کو ئەو د سالا ٢٠١٣ێ دا بوو شریکا ستراتیژی یا ئیرانێ، پەکەکێ چل کۆمپلۆ و ئیستیفزاز کر دا کو پارتی ھەلوەشینیت و لسەر دەسکەفتێن وێ رینیتە خوارێ. ب نووچەیێن وەرماندی د مەدیایێ دا ژی خواست خوە وەکو  سەروەرێ باشوور نیشان بدەت. لێ بەلێ، کومەکا لایەنگرێن پەکەکێ یێن هەی کو ئەو ژی ئێکەتیێ ژ بۆ وان دروست کرینە. ھەر وەھا کۆمەک ھەیە کو پەکەکە هزر دکەت لایەنگرێن وێ نە لێ ئەو ژبەر کو نێزیکی ھەرێمێن گەریڵایا نە تەنێ ب رێکرنا ئەرزاقی د گەل پەکەکێ ناڤا پێوەندییێن بازرگانی دا نە. دەما کو ل پەکەکێ قەومی ئەو کەس و کۆم دێ ل مالەن خوە روونن. ب سالانە، پەکەکێ ل ناڤا دەستە رێخستنێن وەکو پەچەدەکێ، تەڤگەرا ئازاد، تەڤگەرێن ژنان و تەڤگەرێن جوانانێن ل باشوور ب ھەمان کەسان را دمەشیت. ئەز وە تەخمین دکەم کو سەرۆکێن پەکەکێ ب خوە ٢٠ سالن کو ل وێنەیێن کریارێن خوەیێن ل باشوور مێزە دکەن، ھەمان روویان دبینن و ئەو دزانن کو وان چ لایەنگرێن نوو نینن.

گەلەک ئاشکەرایە کو هەلویستێن پەکەکێ نە هەلویستێن کوردستانینە

گەلەک ئاشکەرایە کو هەلویستێن پەکەکێ نە هەلویستێن کوردستانینە، وەکی کو ھندەک هزردکەن. هەلویستێن پەکەکێ کو دشێن کوردان ڤەگەرینە سالێن ١٩٣٠ێ، پلانا پەکەکێ یا تێکبرنا حکوومەتا ھەرێما کوردستانێ، نە د بەرژەوەندیا گەریلایێن وان دایە ژی. ئەڤ پلانە تەنێ ژ بۆ گارانتیکرنا ژیانا کۆما پەکەکێ یا ب ناڤێ کۆما ئەنقەرێ یە. ڤێ کۆمێ حساب کریە کو ناڤێن وان د ناڤا لیستەیا تەرۆرێ یا ئەمریکا دایە،  ئیحتیمالا ئۆپەراسیۆنا دژی ئیرانێ یا ل ھەرێمێ پێشچاڤ وەردگریت، و ل رێکەفتن کریە کو ھێزا خوەیا لەشکەری مینا ئارتێشەک لەژیۆنەری رادەستی بەرژەوەندیێن ئیرانێ بکەت، بەدەل ڤێ ژی ئیران ژیانا وان مسۆگەر بکەت. سەدەما کو پەکەکە د ڤێ گۆرەپانا شەری دا ئەوە کو ڤێ ئارتێشا خوە بێخیتە بن خزمەتا ھێزێن ھەرێمێ. پەکەکێ بازاری سەر خوینا گەنجێن کورد دکەت. وەکی دی، هیچ سەدەمەک نیننە کو پەکەکێ ژ قادا عەسکەری و سییاسی بهێتە راکرن. بەرامبەری ژییانا گەنجێن کورد ژییانا کۆما ئەنقەرە دهێتە مسۆگەر کرن.

پەکەکە ناخوازیت هیچ یێک ژ وان چار دەولەتێن داگیرکەر بهێنە هەلوەشندن

پەکەکە ناخوازیت چ ژ وان چار دەولەتێن داگیرکەر ژی ھەلوەشن. ژ بەر کو ھەبوونا خوە و ھەبوونا داگیرکەران ب چارەنووسا هەڤتەریب ڤە گرێدایی دبینیت. ھێزا دامەزرینەرێن پەکەکێ، کۆما ئەنقەرەیێ، ژیان و ھێزا خوە د شەری دا دبینن نە د ئاشتییێ دا، د فەوزایێ دا دبینن نە د ئارامیێ دا.

ئەز دزانم ئەندامێن پەکەکێ دێ ژ ڤێ چەندێ عاجز بن، لێ پەکەکە ئێدی نە خوەدیا دۆزا کورد و کوردستانێ یە. پەکەکە دکاریت ژ بۆ بەرژەوەندییێن پارتییا خوە ھەمی کوردستانێ بکەتە قوربان. کۆما ئەنقەرە دکاریت ژ بۆ بەرژەوەندیا کۆما خوە ھەموو کادرۆیێن پەکەکێ بکەتە قوربان. ژ بۆ ڤێ، وەسا هزر نەکەن کو گەر پەکەکێ سەرکەڤیت دێ تشتەک گەهیتە مە ژی، دەستێن خوە بۆ ڤێ چەندێ نە ڤەمالن. ژ بەر کو پەکەکە ژ بلی چەند ئەندامێن خوە یێن دامەزرینەر ھەر کەسی وەکو چەکدارەکێ خوەبەخش دبینیت و بکار دئینیت.