ژ بەر سەرژێکرنا پشیکا و خوارنا وان هاتە دەستەسەرکرن

ژ بەر سەرژێکرنا پشیکا و خوارنا وان هاتە دەستەسەرکرن

ل باژێرێ ستەنبۆلێ ژنەک ب ناڤێ فاتما چ. کو دهاتە ئیدیعاکرن پشیکا سەر ژێ دکەت و دبەتە مالێ دخوەت، ب تاوانا ئازاردانا ئاژەلان هاتە دەستەسەرکرن. ڤێ ژنێ دانپیدان کر کو ئەو گۆشتێ پشیکان دخوەت.

ل گۆر زانیاریێن د مەدیایا ترکیێ دە ھاتینە بەلاڤکرن، ل تاخا ئایدنلار سەر ب ناڤچەیا توزلایێ یا ل ستەنبۆلێ، ھەژمارەک گەنج دبینن کو د دەستێ فاتما چ. یا 41 سالی دا زەرفەک ھەیە و تێدا ژی پشیکەک سەرژێکری ھەیە. پشتی کو ئەو کەس پۆلیسان ئاگاھدار دکەن پۆلیس ژی دچن جھێ بوویەرێ فاتما چ. دبەنە ناڤەندا پۆلیسان یا ئۆرھانلیێ.

پشتی کار و بارێن یاسایی یێن ل ناڤەندا پۆلیسان فاتما چ بۆ دادگەھێ ھاتە شاندن و ل وێ دەرێ ھاتە زانین کو پێشتر ژی 6 تاوانێن وەک نھا دەربارێ وێ دا ھاتنە تۆمارکرن و ب تەشخیسا نەخوەشییا “پارانۆد شزۆفرەن” ل نەخوەشخانەیێ 6 مەھان ھاتیە دەرمانکرن.

ل سەر داخوازا دادوەری فاتما چ دیسا ژ بۆ دەرمانکرنێ بۆ نەخوەشخانەیێ ھاتە شاندن.