پشتی کوشتنا بابێ چەکێ ناڤۆکی یێ ئیرانێ، بالیۆزخانەیێن ئیسرائیلێ کەتنە ئامادەباشییێ دا

پشتی کوشتنا بابێ چەکێ ناڤۆکی یێ ئیرانێ، بالیۆزخانەیێن ئیسرائیلێ کەتنە ئامادەباشییێ دا

تساحی هانگبی یەک ژ وەزیرێن ئیسرائیلێ کو کەسەکی نێزیکی بنیامین نەتانیاهو یێ سەرۆکوەزیرە، رۆژا شەمبیێ د هەڤدیتنەکا تەلەفزیۆنی دا د گەل کەنالێ تەلەفزیۆنی یێ (N12) ل دوور تیرۆرکرنا فەخریزادە، بسپۆرێ چەکێ ناڤۆکی یێ ئیرانی راگەهاند، من هیچ بەلگەیەک د دەست دا نینە کو ئیسبات بکەت ئیسرائیلێ ئەڤ کارە ئەنجام دابیت. ئەڤە ب وێ واتەیێ ناهێت کو ئەز نکارم ل سەر مژارێ باخڤم، ئەز بەرپرسم لێ ب راستی حەتا نها چ بەلگەیەک ل بەر دەستێ من نینە. «حەسەن رۆحانی، سەرۆک کۆمارێ ئیرانێ، ئیسرائیل ب تیرۆرکرنا موحسن فەخریزادە بسپۆرێ ناڤۆکی یێ ئیرانێ سووچبار کریە».

رۆحانی رۆژا رابووری د مالپەرێ فەرمی یێ خوە دا نڤیساند: «جارەکا دی، دەستێن دفن بلندێن جیهانێ د گەل رژێما سەهیۆنستی یا کرێ گرتی ب خوینا زانایەکی دی یێ ڤی مللەتی هاتنە نەخشاندن».

ل گۆر کانالەکێ مەدیایی یێ ئیسرائیلێ، پشتی گەف خوارنێن ئیرانێ ژ بۆ تۆلڤەکرنا کوشتنا موحسن فەخریزادە کو ب بابێ چەکێ ئەتۆمی یێ ئیرانێ دهێتە ناسکرن، ئیسرائیلێ رەوشا هشیاریێ ل سەفارەتخانەیێن خوە ل هەموو یا جیهانێ دا زیدە کریە و هیزێن خوە خستینە حالەتێ ئامادەباشیێ دا.

موحسن فەخریزادە، زانایێ ئەتۆمی یێ ئیرانێ، ل 28ی چرییا پاشین ل ناڤچەیا ئابسەرد دەماوەند پشتی تەقینا بۆمبەیەکێ ل کێلەکا جادەیەکی کو ئەو و زێرەڤانێن خوە تیدا دەرباس دبوون، یەکەم جار ترۆمبێلا وان ژ کار کەت و پاشان هندەک کەسێن چەکدار گوللـە بەردان ترۆمبێلا وی و ئەو کوشت.