ل دیاربەکرێ ل ناڤچەیا یەنشەھرێ ل تاخا فابریقێ ب سەدەما روویدانەکا بچووک، د ناڤبەرا دو مالباتان دا پەڤچوون چێبوون، ب دار، بەر و کێران لھەڤ دان و د ئەنجامێ دا 20 کەس بریندار بوون.
شۆفێرەکێ د دەما کو ترۆمبێلا خوە پارک دکر ل ترۆمبێلەکا دی دا و شەر ل سەر ڤێ چەندێ پەیدابوو. پۆلیس دکەڤیتە ناڤبەرا وان و وان ژ ھەڤ جودا دکەت و ھەر دو مالبات ل قەرەقۆلێ سکالایێ ل سەر ھەڤ تۆمار دکەن. ئیرۆ جارەکا دی د ناڤبەرا وان دا شەر چێبوو و ل ھەڤ دان.
ل سەر ئاگاھدارکرنا پۆلیسان، پۆلس و تیمێن تەندورستیێ چوونە جیێ بوویەرێ و تەدبیرێن خوە ستاندن. ب ئامبوولانسان برینداران شاندنە نەخوەشخانەیان و پۆلیسا ھاتن و چوون بۆ تاخی قەدەغە کریە. ب سەدەما کو دوورییا د ناڤبەرا خوە دا نەپاراستیە، پۆلیسان ژ ئەو سزا دان.
