ھەڤسەرۆکێ یەنەکێ لاھۆر جەنگی، نھا ژ پال جڤاکا کوردی ڤە باش دهێتە ناس کرن، لێ ئەڤ ناڤ و دەنگییا وی نەژ کارێن وی یێن باش هاتییه، بەلکو ژ کریارێن نەباش.
گەلێ کورد یەکەم جار ناڤێ لاھۆر جەنگی ل دەما خیانەتا کەرکووکێ بھیست، لاھۆر شێخ جەنگی، دگەل برایێ خوە ئاراس شێخ جەنگی، وەک مرۆڤێن کو کەرکووک رادەستی سپایێ ئیراقێ و حەشدا شەعبی کرین هاتنە د یرۆکا گه‌لێ كورد دا، مخابن، د دیرۆکێ دا، ھەر دەم مرۆڤێن باش نە ناڤدارن، د ھەمان دەمێ دا خایین ژی ب ناڤ و دەنگ دبن، لاھۆر ژی ب خیانەتکاریێ ناڤدار بوو، ھەموو کورد دزانن کو لاھۆرێ جەنگی وەک کاراکتەرێ سەرەکی یێ خیانەتا کەرکووکێ ناڤدارە، ب راستی لاھۆرێ جەنگی ب خوە ژی دزانیت کو ئەو ب ڤێ خیانەتێ ناڤدار بوویە، داکو موهرا خیانەتێ ل سەر ناڤێ لاھۆر جەنگی رابیت، نوکە ژی دخوازن ژ بۆ وی شانۆیەکا قەھرەمانیێ بگێڕن.
ژ بۆ وێنه‌یه‌كێ ب خورتی خوه دئێخیته د ناڤبه‌را دیپلۆماتێن بیانی دا
ل ڤان دەمێن داویێ ل کوردستانێ، ھندەک کێشەیێن کو دهێنه ژیان کرن ژ بۆ لاھۆر جەنگی بوونە دەلیڤە و ھێڤیەکێ بۆ وی چێدکەن کو خوە وەک مرۆڤەکێ خەباتکارێ کورد بدەتە نیشاندان، لێ ب زەلالی دهێتە دیتن کو ئەڤە شانۆیەکە کو تەنێ د مەدیایا جڤاکی دا دهێتە نیشاندان.
لاھۆرێ جەنگی، ھەول ددەت ب بەلاڤکرنا وێنەیێن د ناڤ سازیێن خوەدان وەزیفەیا دیپلۆماتیک ل سەر شۆشیال مه‌دیایێ خوە وه‌كه كه‌سه‌ك گرنگ و ب باندۆر بده‌ته دیار كرن، ئەم نزانین گەلۆ کەسێن کو ژ ڤێ یەکێ باوەر دکەن ھەنە یان نە، لێ تشتەک ل گۆرێ نینە کو مرۆڤ پێ باوەر بکەت، ژ بەر کو ھەڤدیتنێن فەرمی نینن، لاھۆرێ جەنگی وه‌ها خوە دیار دکەت کو ل ڤێ داویێ ئه‌و ل گەل رایەدارێن وەزارەتا دەرڤە یا ئەمه‌ریکی و کۆنسلخانەیا گشتی یا به‌ریتانیا، دانوستاندن کرینە، لێ ب چ سیفەتی؟
هه‌لبه‌ت ڤان دانوستاندنان ل ئاستا سیاسی و دیپلۆماتیک دا واته نینه، ژ بەر کو چ ژ ڤان دانوستاندنان ب سیفه‌ته‌كێ فەرمی نەھاتنە چێکرن، یەک ژ وان سازیێن کو وی ھەڤدیتن ل گەل کری، د ناڤ و نیشانێن خوە یێن فەرمی دا بەحسا ڤان ھەڤدیتنان ناکەت، هیچ ھەڤدیتنەک د ناڤا فەرمییەتەکێ دا نەھاتییە کرن، د ناڤا باخچەیەکێ دا، ل دۆرا مێزەیەکێ، بێ لایەن و بێ فەرمییات دهێنە کرن، هه‌ر وەکی کو چووبیتە قەھوەخانێ چایەکێ ڤەخۆت ھاتییە پێشوازی کرن، وه‌ها دیارە کو مینا زارۆکێن کو دخوازن ل گەل بووک و زاڤای وێنەیەکێ بگریت خوە ب خوورتی دئێخیتە ناڤبەرا بووک و زاڤای دا، لاھۆرێ جەنگی ژی ژ بۆ وێنەیەکێ ب خورتی خوە دئێخیتە ناڤبەرا دیپلۆماتێن بیانی دا.
به‌رهه‌م هێژان یێ قه‌رێن لاهۆری دده‌ت
گەلۆ لاھۆر جەنگی ڤان ھەڤدیتنان چاوا ساز دکەت؟ بێ گومان، ب رێیا شریکێ خوە یێ بازرگانی و سییاسی ئانکو سەرۆک کۆمارێ ئیراقێ د. بەرھەم سالح، بەرھەم سالح هێڤییان ژ وەزیفەدارێن دیپلۆماسی دکەت، ئەو ژی وەکو کەسەکێ بێ ئەرک وی قەبوول دکەن، حەتا وی وەک سەرۆکێ پارتیێ ژی نابینن.
کۆنسۆلێ گشتی یێ بریتانیا ستیفن هیکی، کو وێنەیێن ل گەل سازییەکا سڤیل یا کو ھەڤدیتن ل گەل کری بەلاڤ دکەت و بەرسڤا ھەر کۆمێنتەکێ ژی ددەت، لێ وی ئەڤ ھەڤدیتنە وەکو ھەڤدیتنەکا دیپلۆماتیک بەلاڤ نەکر و قەید نەکر، لێ ل سەر ھەمان رووپەلا هیکی، وێنەیێن حكوومەتا فەرمی، سەرۆک و پێشمەرگەیێن حكوومه‌تا باشوورێ کوردستانێ ھەنە، هه‌موه‌خت عه‌مار حه‌كیم یێ سه‌ركرده‌یێ ئیراقێ، راسته لاهۆر پێشوازی كر، لێ چ دیمه‌نێن ڤێ هه‌ڤدیتنا خوه ل گه‌ل لاهۆر ل سه‌ر ئه‌كاونتێن خوه یێن فه‌رمی قه‌ید نه‌كرن.
ئانکو هیچ ھەڤدیتنێن دیپلۆماسی د رۆژەڤێ دا نینن، وەکی دی، د جیھانا سیاسەتێ دا، ھەر کەسێ خوە پاڤێژیتە پێش وەکو دیپلۆمات ناهێتە دیتن، سیاسەت و دیپلۆماسی، ب حیله و حه‌والێن وەک یێن لاھۆرێ جەنگی کو ژ دەریێ سینۆرێ باشماخێ په‌ره‌یان د دزیت، ناهێتە کرن.
د ئاستا سیاسی و دیپلۆماتیك دا جڤینێن لاهۆر چ راماناكه نینه
وەکی دی، لاھۆر جەنگی دبێژیت کو ئەڤ جڤینە ژ بۆ چارەسەرکرنا پرسگرێکێن ئابۆری یێن گەلێ کوردستانێ دهێنه ل ساز کرن، یا راست جڤینێن چاره‌سه‌ر كرنا پرسگرێكان حوکومەتا ھەرێما کوردستانێ دکەت، حکوومەتا کوردستانێ و بەغدا د دەربارێ پرسگرێکێن ئابووری دا رێکكەفتنەکا دەستپێکی کر. د سیستەمێن فەرمی دا چ تاکەکەس ل سەر ناڤێ خوە نەشێن ھەڤدیتنێن دیپلۆماتیک ئەنجام بدەن، دیپلۆماسی کارێ حکوومەتێ و یێن کو حکوومەت دەستنیشان دکەت ب جددیەت و رەسەنایەتییەکێ ھەڤدیتنان دکەن، پێویستە حکوومەتا ھەرێما کوردستانێ رێگریێ ل ھەڤدیتنێن پارتی و شەخسان بگریت کو د بن ناڤێ دیپلۆماسیێ دا د چن بهایێن نەتەوەیی د کەنە مژارەکا بازرگانی یا سیاسی، ئەڤ پرسگرێکە نەپرسگرێکەکە کو ب چوونا لاھۆرێ جەنگی و ھەڤدیتنا ل گەل کۆنسلی بهێتە چارەسەر کرن، ئەم دێ بێژین ما لاھۆرێ جەنگی نزانیت کو ئەڤ جڤین ل گەل بەغدا چێدبن، لێ کەسێ کو بەشداری ڤان جڤینان بووی کورێ مامێ وی، قوباد تالەبانی یە، دیار دبیت کو ئەڤ ھەڤدیتنێن لاھۆر جەنگی د ئاستا سیاسی دا بێ رامانن، زاتەن لاھۆر جەنگی ب خوە ژی ئەو هێز نینە کو ڤان هەڤدیتنان ساز بکەت.
گاڤا کو ھوون ڤان تشتا هه‌موویان دانن به‌ر هه‌ڤ چ دیار دبیت؟
گاڤا کو ھوون ڤان تشتا هه‌موویان دانن به‌ر هه‌ڤ چ دیار دبیت؟ یا کو لاھۆر جەنگی دخوازیت بکەت شانۆیه‌كە، ب راستی لاھۆر جەنگی هیچ سەنگەک د دیتنا وەلاتەکێ رۆژئاڤا دا نینە. ژ بەر کو ئەو دزانن کو دەردۆرا لاھۆرێ جەنگی تەنێ کۆمەک ھێزێن تایبەتی- ئیستخباراتی یێن گرێدایی وی ل سلێمانیێ ھەنە و ژ بلی کۆمەک مرۆڤێن دز ل دۆرا وی هیچ کەسه‌ک دی نینە، ژ بەر ڤێ سەدەمێ، کەس وی وەکی ناڤەندا چارەسەرییا پرسگرێکان و موخاتبەکێ ب ناڤێ کوردستانێ نابینیت، ژ بەر کو ئەو خیانەتا لاھۆر جەنگی دزانن، گەر ئەو پێدڤی خائینەکی بوون ژ نوو دێ گازی لاھۆر جەنگی کەن و وی بینن، ئه‌ڤ وه‌لاته دزانن كو ژ زرچەپۆزێ مەیخانەیێن سەرچنار و بریتانیا ئانکو لاھۆرێ جەنگی چ سەرۆک دەرناکەڤن.
به‌رنیاسبوونا لاهۆر، وه‌ك به‌رنیاسبوونا وی كه‌سی یه یێ ڕیتییه كانیا گوندی
“ل گۆری چیرۆکەکێ، شڤانەکێ دخواست کو ئەو ژی وەک کەسێن کو ب کاروبارێن خوە و دەستکەفتیێن خوە ناڤدار بووین، ببیتە کەسەکێ ناڤدار، لێ ژ بۆ ڤێ یەکێ هیچ شیانەک وی نەبوو، د داویێ دا، هزرەک ھاتە سه‌رێ وی، شڤان رابوو و چوو کانیا گوندی لەوتاند، ب ڤی رەنگی، ئەو گەلەک ناڤدار بوو، ئێدی ھەر کەسەکێ ئەو وەکو “ئەو کەسێ ریتیە کانیا گوندی” ناس كر.
زاتن لاهۆر ژی، راسته مرۆڤ وی ناس دكه‌ت، لێ ئەرێ، لێ وەکه کارەکتەرێ سەرەکی یێ خیانەتا کەرکووکێ و گه‌لێ كورد هیچ پێویستییه‌ك ب خائینان نینه.
