p.language-links a { text-decoration: none; color: black; background-color: #e0e0e0; /* default gray */ padding: 4px 8px; border-radius: 0px; font-size: 13px; transition: background-color 0.3s; } p.language-links a:hover { background-color: #ca0000; color: white; } p.language-links a.active { background-color: #ca0000; /* active URL */ color: white; }
هه‌گه‌ر په‌كه‌كه وه‌ها به‌رده‌وام بیت، سوپایێ تركیێ دێ هێته قڕكرن!
رێخستنا په‌كه‌كێ ئامارا ئیسالێ یا زیانێن جانی یێن عه‌سكه‌رێن ترك به‌لاڤ كرنه و دبێژیت: «گه‌ریلایێن مه پتری 900 عه‌سكه‌ران كوشتنه، هه‌موه‌خت 227 گه‌ریلا جانێ خوه ژ ده‌ست دانه»، ئه‌ڤ یێك دهێته وێ واتایێ كو هه‌گه‌ر ئه‌ڤ دره‌وا په‌كه‌كێ راست بیت، سوپایێ تركیێ دێ د چه‌ند سالێن پێش مه دا نامینیت و دێ هێته قڕ كرن!.
دوهی رۆژا شه‌مبی 19/12/2020ێ، رێڤه‌به‌رییا په‌كه‌كێ راگه‌هاند كر كو د شه‌ر و په‌ڤچوونێن ئیسالێ كو ل نێڤبه‌را گه‌ریلایان و سوپایێ تركیێ دا قه‌ومینه، 946 عه‌سكه‌رێن ترك، 227 گه‌ریلا هاتنه كوشتن، ل هه‌مان ده‌مێ 24 كه‌سێن سڤیل.
په‌كه‌كه دبێژیت: چه‌كدارێن وێ 393 چالاكی ل دژی سوپایێ تركیێ ل باشوورێ كوردستانێ ئه‌نجام دانه، ل همبه‌ر تركیێ 1275 ئێریشێن ئاسمانی و 120 ئێریشێن به‌ژاهی.
ل گۆری په‌كه‌كێ، عه‌سكه‌رێن ترك دربه‌كێ مه‌زن پێ كه‌تییه و هه‌گه‌ر په‌كه‌كه وه‌ها به‌رده‌وام بیت، ئارته‌شا ڤێ ده‌وله‌تێ دێ د ناڤا چه‌ند سالێن پێش مه دا نامینیت و دێ هێته قڕكرن!.
ئه‌رێ په‌كه‌كێ د ئیسالێ دا مالا تركان وێران كر یان یا كوردان؟
هه‌ر كه‌س د زانیت د سالا 2020ێ دا په‌كه‌كێ چ مالوێرانی ب سه‌رێ كوردان كر، جه‌نگا كو په‌كه‌كێ وه‌ك سه‌ركه‌تن نیشان دای، تام به‌ره‌ڤاژه، تشتا كو په‌كه‌كه تێدا سه‌ركه‌تی جی ب جی كرنا ئه‌جێندایێن تركیێ یه ب رێژا 100%، ل ڤان خالان بنێرن و هوون بریارێ بده‌ن:
د سالا 2020ێ دا ب تا‌یبه‌ت پاش ئێریشا مه‌زن یا مه‌ها خزیرانێ، ل سایا سه‌رێ رێخستنا په‌كه‌كێ چ قه‌ومی:
-
پێگه‌ها تركیێ پێتر د باشوورێ وه‌لات دا بهێز كه‌ت.
-
نێزیكی 15 كیلۆمه‌تران كۆراهی كه‌تن د ئاخا باشوور دا.
-
54 گوندێن باشوور بوونه مه‌یدانا شه‌ری و ژ خه‌لكی ڤالا مان.
-
حافته‌نین كه‌ت و په‌كه‌كه ژ سنۆران پاشڤه‌زڤرین و نێزیكی گوند و باژارۆكان بووینه.
-
شه‌ر و ئێریشێن ئاسمانی یێن ده‌وله‌تا ترك نێزیكی باژارۆكان بوون.
-
تركیێ 28 نوقته و باره‌گه‌هێن خوه ل باشوور ل ناڤچه‌یێن سنۆری زێده كرن.
گه‌لۆ ما قه‌ی ئه‌ڤ سه‌ركه‌تنه؟ به‌لێ سه‌ركه‌تنه لێ ژ بۆ كێ؟! زاته‌ن ژ بۆ تركیێ و كۆچكێن قه‌ندیلێ كو ئه‌ڤ خزمه‌ته ژ بۆ تركیێ كرینه.
ل بیرا هه‌وه بیت په‌كه‌كێ تنێ ل پاییزێ ترك ب ڤی ره‌نگی سزا دان!:
-
برێڤه‌به‌رێ ئاساییشا خالا سنۆری یا سه‌رزێری غازی سالح ئالیخان ته‌رۆر كر.
-
بۆرییا په‌ترۆلێ یا كوردستانێ ته‌قاند.
-
ل چه‌مانكێ بۆمب ب پێشمه‌رگه‌هان ڤه ته‌قاند.
-
ل ئامێدیێ ئێریشی پێشمه‌رگه‌هان كر.
-
ل سحێلا ئێریشی پێشمه‌رگه‌هان كر.
