ھات راگھاندن کو د ئەنجاما تۆپبارانا ئیرۆ یا ئارتێشا ترکیێ و کۆمێن چەکدار یێن سەر ب وێ ڤە ل باژێرۆکێ عەین عیسا یێ رۆژئاڤایێ کوردستانێ، 2 کەسێن سڤیل بریندار بوون.
تۆپبارانا باژێرۆکێ عەین عیسا ئیرۆ 3یێ چلە دیسا دەست پێ کریە و ئارتێشا ترک و کۆمێن چەکدارێن ب سەر وێ ڤە، بێ ناڤبەر دەردۆرا ناڤەندا باژێرۆکی و جھێ لیوایا 93ێ تۆپباران دکەن.
ل گۆری زانیاریێن خوەجھی، د ئەنجاما تۆپبارانێ دا ژنەکا ب ناڤێ لەتیفا ئەل-شەداد (45 سالی) و جوانێ ب ناڤێ قوسەی حەسەن (23 سالی) بریندار بوون.
ھەردو بریندار بۆ نەخوەشخانەیێن عەین عیسایێ ھاتن ڤەگوھەست.
چاڤکانیێن ھەرێمێ رادگھینن کو تۆپباران حەتا ئێڤارێ ژی بەردەوام بوویە.
